ଗଜପତି: ବ୍ରହ୍ମପୁର ସାଂସଦ ଚନ୍ଦ୍ରଶେଖର ସାହୁ ଗଜପତି ଜିଲ୍ଲାର ପାରଳାଖେମୁଣ୍ଡି ନିର୍ବାଚନ ମଣ୍ଡଳୀର ବିଭିନ୍ନ ସ୍ଥାନ ବୁଲିବା ସହ ବହୁ ଉନ୍ନୟନମୂଳକ କାର୍ଯ୍ୟର ଉଦଘାଟନ କରିଛନ୍ତି । ସାଂସଦ ପ୍ରଥମେ ପାରଳାଖେମୁଣ୍ଡି ପୌରପରିଷଦ କାର୍ଯ୍ୟାଳୟ ପରିସରରେ ସ୍ଥାପନ କରାଯାଇଥିବା ମହାରାଜା କୃଷ୍ଣଚନ୍ଦ୍ର ଗଜପତିଙ୍କ ପ୍ରତିମୂର୍ତ୍ତିକୁ ଉନ୍ମୋଚନ କରିଥିଲେ ।
ଗଜପତି ଗସ୍ତରେ ବ୍ରହ୍ମପୁର ସାଂସଦ: ବିଭିନ୍ନ ଉନ୍ନୟନମୂଳକ କାର୍ଯ୍ୟର କଲେ ଉଦଘାଟନ
ଏହାପରେ କବି ଗୋପାଳକୃଷ୍ଣ ପାଠାଗାରର ନୂତନ କୋଠାକୁ ଉଦଘାଟନ କରିବା ସହ ଏଠାରେ ଥିବା ବିଭିନ୍ନ ପୁସ୍ତକ ଆଗାମୀ ପିଢିଙ୍କ ପାଇଁ ବହୁ କାମରେ ଆସିବ ବୋଲି କହିଥିଲେ । ଏହାପରେ ସେ ସଙ୍କୁରି ବନ୍ଦ ନିକଟରେ ନିର୍ମାଣ ହୋଇଥିବା ଶୌଚାଳୟ ଏବଂ କୁମ୍ଭାର ସାହି, ଝାଡୁଦାର କଲୋନୀ ଓ ଶବର ସାହିରେ ନିର୍ମାଣ ହୋଇଥିବା ପରିଚୟ ଗୃହର ଉଦଘାଟନ କରିଥିଲେ । ଏହାପରେ ବେତାଗୁଡା ଠାରେ ନୂତନ ଭାବେ ନିର୍ମାଣ ହୋଇଥିବା ଜିଲ୍ଲା ଶିକ୍ଷାଧିକାରୀଙ୍କ କାର୍ଯ୍ୟାଳୟର ନୂତନ କୋଠା ଉଦଘାଟନ କରିଥିଲେ ।