ଗାର୍ଡ ଅଫ୍ ଅନର ସହ ସମ୍ପନ୍ନ ହେଲା ଗଜପତି ଅତିରିକ୍ତ ଜିଲ୍ଲାପାଳଙ୍କ ଶେଷକୃତ୍ୟ

ଗତକାଲି (ମଙ୍ଗଳବାର) କରୁଣାକରଙ୍କ ଚିକିତ୍ସାଧିନ ଅବସ୍ଥାରେ ମୃତ୍ୟୁ ଘଟିଥିଲା । ତେଣୁ ବୁଧବାର ଏମକେସିଜିର ଏଫଏମଟି ସମ୍ମୁଖରେ ଗାର୍ଡ ଅଫ୍ ଅନର ସହ ତାଙ୍କ ଶେଷକୃତ୍ୟ ସଂପର୍ଣ୍ଣ କରାଯାଇଛି ।

ବ୍ରହ୍ମପୁର:କୋଭିଡ଼ ଯୋଦ୍ଧାଙ୍କୁ ଗାର୍ଡ ଅଫ୍ ଅନର । ଉଚ୍ଚ ସମ୍ମାନ ସହିତ ଶେଷ ହେଲା କୋଭିଡ଼ ଯୋଦ୍ଧାଙ୍କ ଶେଷକୃତ୍ୟ । ତେବେ ଏହି କୋଭିଡ ଯୋଦ୍ଧା ହେଉଛନ୍ତି ଗଜପତି ଜିଲ୍ଲାର ଅତିରିକ୍ତ ଜିଲ୍ଲାପାଳ କରୁଣାକର ରାଇକା । କୋରୋନା ସହ ମୁକାବିଲା କରୁଥିବା ବେଳେ ନିଜ ହୋଇଥିଲେ ଭୂତାଣୁର ଶୀକାର । ତେବେ ଗତକାଲି (ମଙ୍ଗଳବାର) କରୁଣାକରଙ୍କ ଚିକିତ୍ସାଧିନ ଅବସ୍ଥାରେ ମୃତ୍ୟୁ ଘଟିଥିଲା । ତେଣୁ ବୁଧବାର ଏମକେସିଜିର ଏଫଏମଟି ସମ୍ମୁଖରେ ଗାର୍ଡ ଅଫ୍ ଅନର ସହ ତାଙ୍କ ଶେଷକୃତ୍ୟ ସଂପର୍ଣ୍ଣ କରାଯାଇଛି ।

ତେବେ ଏଥିରେ ବହୁ ବରିଷ୍ଠ ପ୍ରଶାସନିକ ଅଧିକାରୀ ସାମିଲ ରହିଥିଲେ । ଦକ୍ଷିଣାଞ୍ଚଳ ରାଜସ୍ୱ କମିଶନରଙ୍କ ସହିତ ଉଭୟ ଗଞ୍ଜାମ ଓ ଗଜପତି ଜିଲ୍ଲାପାଳଙ୍କ ସହ ବହୁ ବରିଷ୍ଠ ପୋଲିସ ଓ ପ୍ରଶାସନର ଅଧିକାରୀ ତାଙ୍କୁ ଶ୍ରଦ୍ଧାଞ୍ଜଳି ଦେଇଥିଲେ । ତେବେ ସ୍ୱର୍ଗତ କରୁଣାକର ନିଜେ ଗଜପତି ଜିଲ୍ଲାର କୋଭିଡ଼ ମ୍ୟାନେଜ୍‌ମେଣ୍ଟର ଅନ୍ୟତମ ମୁଖ୍ୟ ପୁରୋଧା ରହିଥିଲେ । କୋରୋନା ଆକ୍ରାନ୍ତ ଭାବେ ଚିହ୍ନଟ ହେବା ପରେ ତାଙ୍କୁ ବ୍ରହ୍ମପୁର ଏମକେସିଜିରେ ଭର୍ତ୍ତି କରାଯାଇଥିଲା ।

ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ