ଗଜପତି: ACF ସୌମ୍ୟରଞ୍ଜନ ମହାପାତ୍ରଙ୍କ ମୃତ୍ୟୁ ଘଟଣାର ତଦନ୍ତ ପାଇଁ ପତ୍ନୀ ବିଦ୍ୟା ଭାରତୀଙ୍କ ବାପଘର ସଦସ୍ୟଙ୍କୁ ଜେରା କରିବ ପୋଲିସ । ଆଜି(ରବିବାର) ପାରଳାଖେମୁଣ୍ଡି ଥାନା ଅଧିକାରୀ ବିବେକାନନ୍ଦ ସ୍ବାଇଁଙ୍କ ନେତୃତ୍ବରେ ପୋଲିସର ଏକ 6 ଜଣିଆ ଟିମ୍ ବିଦ୍ୟା ଭାରତୀଙ୍କ ବାପଘର କପ୍ତିପଦା ଅଭିମୁଖେ ବାହାରିଛି । ଏହି ଟିମ୍ ପ୍ରଥମେ ସୌମ୍ୟଙ୍କ ଘରକୁ ଯାଇ ସେଠାରେ ତାଙ୍କ ମାଆ, ମାଇଁ ଏବଂ ଅନ୍ୟ ସମ୍ପର୍କୀୟଙ୍କ ବୟାନ ରେକର୍ଡ କରିବ ।
ACF ସୌମ୍ୟରଞ୍ଜନ ମୃତ୍ୟୁ ଘଟଣା, ପତ୍ନୀଙ୍କ ସମ୍ପର୍କୀୟଙ୍କୁ ଜେରା କରିବ ପୋଲିସ ଏହାପରେ ବିଦ୍ୟା ଭାରତୀଙ୍କ ନିକଟରେ ପହଞ୍ଚି ତାଙ୍କୁ ପଚରାଉଚରା କରାଯିବା ନେଇ ଥାନା ଅଧିକାରୀ ସୂଚନା ଦେଇଛନ୍ତି । ବିଦ୍ୟାଭାରତୀଙ୍କୁ ପଚରାଉଚରା ସମୟରେ ସତ ସାମ୍ନାକୁ ଆସିବ ବୋଲି ପୋଲିସ କହିଛି । ହେଲେ ସତ ଓଗାଳିବାରେ ପୋଲିସ କେତେ ସଫଳ ହେବ ତାହା ଦେଖିବାକୁ ବାକି ରହିଲା । ସେପଟେ ଗଜପତି ଏସପି ତପନ କୁମାର ପଟ୍ଟନାୟକ ଶନିବାର ସୌମ୍ୟରଞ୍ଜନଙ୍କ ସରକାରୀ ବାସଭବନକୁ ଯାଇ ସ୍ଥିତି ପରଖିଛନ୍ତି । ଏହି ସମୟରେ ପୋଲିସ ଡେମୋ ମଧ୍ୟ କରିଛି । ତଦନ୍ତ ଜୋରଦାର ଚାଲି ଥିବାବେଳେ ଦୋଷୀ ଖୁବଶୀଘ୍ର ଧରାପଡିବ ବୋଲି ଏସପି କହିଛନ୍ତି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
