ଗଜପତି: ‘ମୋ ସରକାର’ ଯୋଜନା ମାଧ୍ୟମରେ ରାଜ୍ୟରେ ଉପଲବ୍ଧ ହେଉଥିବା ସ୍ବାସ୍ଥ୍ୟସେବାରେ ପରିବର୍ତ୍ତନ ଆଣିବାକୁ ସରକାରୀ ସ୍ତରରେ ଅନେକ ଯୋଜନା କାର୍ଯ୍ୟକାରୀ ହେଉଛି । ହେଲେ ତାହାର ସୁଫଳ ଲୋକଙ୍କ କେତେ ପହଞ୍ଚୁଛି ତାହା ଗଜପତି ଜିଲ୍ଲାରେ ଦେଖିବାକୁ ମିଳିଛି । ଏଠାରେ ଜଣେ ଟାଇଫଏଡ ରୋଗୀକୁ ଭାରାରେ ବୋହି ମେଡିକାଲକୁ ନେଇଛନ୍ତି ଲୋକେ।
ଜିଲ୍ଲାର ରାୟଗଡ ବ୍ଲକ ଅଧିନସ୍ଥ ସାନତୁଣ୍ଡି ପଞ୍ଚାୟତର ସନ୍ଦିଗାଁର ରୁବେନ କାର୍ଯୀ (65) ଅନେକ ଦିନ ଧରି ମ୍ୟାଲେରିଆ, ଟାଇଫଏଡ୍ ଓ ନିମ୍ନ ରକ୍ତଚାପ (ଲୋ ବିପି) ଆକ୍ରାନ୍ତ ହୋଇଥିଲେ। ତାଙ୍କର ସ୍ବାସ୍ଥ୍ୟାବସ୍ଥା ସୁଧୁରିବା ପରିବର୍ତ୍ତେ ଦିନକୁ ଦିନ ଅଧିକ ଖରାପ ହେବାରେ ଲାଗିଥିଲା l ଗତ ସୋମବାର ତାଙ୍କର ସ୍ବାସ୍ଥ୍ୟବସ୍ଥା ହଠାତ୍ ଗୁରୁତର ହେବାରୁ ତାଙ୍କୁ ମେଡିକାଲକୁ ନେବାପାଇଁ ଗ୍ରାମବାସୀ ଭାରାର ସାହାର୍ଯ୍ୟ ନେଇଥିଲେ। ରୁବେନଙ୍କ ଚିକିତ୍ସା ଏକ ବେସରକାରୀ ମେଡିକାଲରେ କରାଯାଇଛି। ବର୍ତ୍ତମାନ ତାଙ୍କର ସ୍ବାସ୍ଥ୍ୟାବସ୍ଥା ସ୍ଥିର ରହିଛି।
ଗଜପତିରୁ ହରିହର ପଟ୍ଟନାୟକ,ଇଟିଭି ଭାରତ