ମହେନ୍ଦ୍ରତନୟା ନଦୀରୁ ଅଚିହ୍ନା ମୃତଦେହ ଉଦ୍ଧାର

ଶୁକ୍ରବାର ଅପରାହ୍ନରେ ପାରଳାଖେମୁଣ୍ଡି ବୃନ୍ଦାବନ ନିବାସ ନିକଟ ମହେନ୍ଦ୍ରତନୟା ନଦୀରୁ ଏକ ଅଚିହ୍ନା ମୃତଦେହ ଭାସୁଥିବାର ଦେଖିବାକୁ ମିଳିଛି । ଏନେଇ ତଦନ୍ତ ଚାଲିଥିବା ସୂଚନା ଦେଇଛି ପାରଳାଖେମୁଣ୍ଡି ପୋଲିସ । ଅଧିକ ପଢନ୍ତୁ...

ଗଜପତି: ଶୁକ୍ରବାର ଅପରାହ୍ନରେ ପାରଳାଖେମୁଣ୍ଡି ବୃନ୍ଦାବନ ନିବାସ ନିକଟ ମହେନ୍ଦ୍ରତନୟା ନଦୀରୁ ଏକ ଅଚିହ୍ନା ମୃତଦେହ ଭାସୁଥିବାର ଦେଖିବାକୁ ମିଳିଛି । ମୃତଦେହ ଦେଖି ସ୍ଥାନୀୟ ଲୋକମାନେ ପୋଲିସକୁ ଖବର ଦେଇଥିଲେ । ଖବର ପାଇ ଅଗ୍ନିଶମ ବିଭାଗ କର୍ମଚାରୀ ଏବଂ ପୋଲିସ ପହଞ୍ଚି ମୃତଦେହ ଉଦ୍ଧାର କରି ମୃତଦେହ ବ୍ୟବଚ୍ଛେଦ ପାଇଁ ପଠାଯାଇଥିବା ଜଣାପଡିଛି ।

ମୃତଦେହଟି ଉପର ମୁଣ୍ଡରୁ ଭାସି ଆସି ସେଠାରେ ଲାଗିଥିଲା । ପ୍ରାଥମିକ ତଦନ୍ତରୁ ମୃତଦେହଟି ପଡୋଶୀ ଆନ୍ଧ୍ର ପ୍ରଦେଶର ଶ୍ରୀକାକୁଲମ ଜିଲ୍ଲାର ମିଳିଆପୁଟି ଥାନା ଅନ୍ତର୍ଗତ କୋଷୋମାଳା ଗାଁର ଆର୍. ସୋମେଶ୍ୱର ରାଓ ବୋଲିି ଜଣାପଡିଛି । ବର୍ତ୍ତମାନ ଏନେଇ ତଦନ୍ତ ଚାଲିଥିବା ସୂଚନା ଦେଇଛି ପାରଳାଖେମୁଣ୍ଡି ପୋଲିସ ।

ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ