ଓଡିଶା

odisha

ETV Bharat / state

ବୋଲେରୋରୁ 60କେଜି ଗଞ୍ଜେଇ ଜବତ, 3 ଗିରଫ - gajapati

ପାଟ୍ରୋଲିଂ ବେଳେ ଧରାପଡ଼ିଲା ଗଞ୍ଜେଇ ବୋଝେଇ ବୋଲେରୋ । ଗାଡ଼ିରେ 60 କେଜିର ଗଞ୍ଜେଇ ଚୋରାଚାଲାଣ ହେଉଥିବାବେଳେ ପୋଲିସ ଗାଡ଼ି ଜବତ କରିବା ସହ ତିନିଜଣଙ୍କୁ ଗିରଫ କରିଛି ।

ଫଟୋ ସୌଜନ୍ୟ: ସମ୍ବାଦଦାତା, ଗଜପତି

By

Published : Aug 3, 2019, 7:27 PM IST

ଗଜପତି: ମୋହନା ପୋଲିସର ପାଟ୍ରୋଲିଂ ବେଳେ ରାଇସିଂ ଛକରୁ 59.5 କେଜି ଗଞ୍ଜେଇ ବୋଝେଇ ବୋଲେରୋ ଜବତ । ସମ୍ପୃକ୍ତ ଥିବା ତିନିଜଣଙ୍କୁ ମଧ୍ୟ ଗିରଫ କରିଛି ପୋଲିସ । ଗିରଫ ତିନି ଜଣ ହେଲେ ଆର୍. ଉଦୟଗିରି ଥାନା ଅନ୍ତର୍ଗତ ଜାମଗୁପଡା ଗାଁର ଇସାକ ମାଝୀ, କନ୍ଧମାଳ ଜିଲ୍ଲା ରାଇକିଆ ଥାନା ଅଞ୍ଚଳର ସନ୍ତୋଷ ବିଶ୍ବାଳ ଓ ରାୟଗଡା ଜିଲ୍ଲା ପଦ୍ମପୁର ଥାନା ସୁନ୍ଦରିଗୁଡା ଗ୍ରାମର କବି ବିଡିକା ।

ଭିଡ଼ିଓ ସୌଜନ୍ୟ: ସମ୍ବାଦଦାତା, ଗଜପତି

ପୂର୍ବରୁ ସୂଚନା ପାଇ ଗଜପତି ଏସପି ସାରା ଶର୍ମାଙ୍କ ନିର୍ଦ୍ଦେଶ କ୍ରମେ ଶୁକ୍ରବାର ସକାଳେ ମୋହନା ପୋଲିସ ପକ୍ଷରୁ ପାଟ୍ରୋଲିଂ କରିବା ସହ ରାଇସିଂ ଛକରେ ବ୍ଳକିଂ କରାଯାଇଥିଲା । ଏହି ସମୟରେ ଉକ୍ତ ବୋଲେରୋକୁ ସନ୍ଦେହ କରି ଯାଞ୍ଚ କରାଯିବାରୁ ଗଞ୍ଜେଇ ଚାଲାଣ ହେଉଥିବା ଧରାପଡିଥିଲା । ଜବତ ଗଞ୍ଜେଇର ଆନୂମାନିକ ମୂଲ୍ୟ ଦୁଇ ଲକ୍ଷରୁ ଅଧିକ ହେବ । ଉକ୍ତ ଗଞ୍ଜେଇ କେନ୍ଦୁଗୁଡା ଠାରୁ ବ୍ରହ୍ମପୁର ଚାଲାଣ ହେଉଥିବା ତଦନ୍ତରୁ ଜଣାପଡିଥିବା ସୂଚନା ଦେଇଛନ୍ତି ଆର.ଉଦୟଗିରି ଏସଡିପିଓ ।

ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ

ABOUT THE AUTHOR

...view details