ଗଜପତି: ସ୍ୱତନ୍ତ୍ର ଉତ୍କଳ ପ୍ରଦେଶ ଗଠନର ପୁରୋଧା ତଥା ସ୍ୱାଧୀନତା ସଂଗ୍ରାମୀ ଶ୍ରୀକୃଷ୍ଣଚନ୍ଦ୍ର ଗଜପତିଙ୍କ 128ତମ ଜୟନ୍ତୀ ପାଳନ ହୋଇଯାଇଛି । ଜନ୍ମମାଟି ପାରଳାଖେମୁଣ୍ଡିଠାରେ ଗଜପତିଙ୍କ 128ତମ ଜୟନ୍ତୀ ପାଳନ ହୋଇଯାଇଛି । ଜିଲ୍ଲା ପ୍ରଶାସନ ସମେତ ବିଭିନ୍ନ ଅନୁଷ୍ଠାନ ପକ୍ଷରୁ ଏହାକୁ ମହାସମାରୋହରେ ପାଳନ କରାଯାଇଛି ।
ଭିଡିଓ ସୌଜନ୍ୟ: ପ୍ରତିନିଧି, ଗଜପତି
ଶୁକ୍ରବାର ସକାଳେ ଜିଲ୍ଲାପାଳ ଅନୁପମ ଶାହାଙ୍କ ସମେତ ବହୁ ବରିଷ୍ଠ ଅଧିକାରୀ ଏବଂ ବୁଦ୍ଧିଜୀବୀ ମହାରାଜାଙ୍କ ସମାଧୀ ପୀଠରେ ପହଞ୍ଚି ପୁଷ୍ପମାଲ୍ୟ ଅର୍ପଣ କରିଥିଲେ । ଏହି ଅବସରରେ ମହାରାଜାଙ୍କ ଦାୟଦ କଲ୍ୟାଣୀ ଗଜପତି ମଧ୍ୟ ସେଠାରେ ପହଞ୍ଚି ପୁଷ୍ପାଞ୍ଜଳି ଅର୍ପଣ କରିଥିଲେ । ଏହାପରେ ମହାରାଜାଙ୍କ ପ୍ରତିମୂର୍ତ୍ତିରେ ମାଲ୍ୟର୍ପଣ କରାଯାଇଥିଲା ।