ଢେଙ୍କାନାଳ: ଜିଲ୍ଲାପାଳଙ୍କ ସମ୍ମୁଖରେ ଆତ୍ମାହୁତି ଉଦ୍ୟମ କରିଛନ୍ତି ଜଣେ ଯୁବକ । ତେବେ ଯୁବକ ଜଣକ ନିଜ ଦେହରେ କିରୋସିନ ଢାଳି ନିଆଁ ଲଗାଇବା ବେଳେ କାବୁ କରିଛି ପୋଲିସ । ଘଟଣାଟି ଘଟିଥିଲା ଢେଙ୍କାନାଳ ଜିଲ୍ଲା ପରଜଙ୍ଗ ବ୍ଲକରେ । ଜିଲ୍ଲାପାଳଙ୍କ ମିଳିତ ଜନ ଅଭିଯୋଗ ଶୁଣାଣି ଶିବିର ଚଲିଥିବା ବେଳେ ଯୁବକ ଜଣଙ୍କ ଏପରି ଉଦ୍ୟମ କରିଛନ୍ତି ।
ଆତ୍ମହୁତି ଉଦ୍ୟମ କରିଥିବା ଯୁବକ ପରଜଙ୍ଗ ଥାନା ଅନ୍ତର୍ଗତ କାଦପଦା ଗ୍ରାମର ବାବୁ ସାହୁ ବୋଲି ଜଣାପଡିଛି । ବାବୁ ବନ ବିଭାଗରେ ଏଲିଫ୍ୟାଣ୍ଟ ସ୍କ୍ବାର୍ଡ ଭାବେ ପରଜଙ୍ଗ ଅଞ୍ଚଳରେ କାମ କରୁଥିଲେ । ମାତ୍ର ତାଙ୍କୁ ବାହାର କରି ଦିଆଯିବା ସହ ୭ ମାସର ଦରମା ପାଇନାହାନ୍ତି । ଏସମ୍ପର୍କରେ ସେ ବାରମ୍ଭାର ବନ ବିଭାଗକୁ ଗୁହାରି କରିଥିଲେ ମଧ୍ୟ କୌଣସି ସୁଫଳ ପାଇନଥିଲେ । ଫଳରେ ସେ ମାନସିକ ସ୍ତରରେ ଚାପରେ ଥିବା ସହ ଏହି ଜନ ଅଭିଯୋଗ ଶିବିରକୁ ଜିଲ୍ଲାପାଳଙ୍କ ନିକଟକୁ ଅଭିଯୋଗ ନେଇ ଯାଇଥିଲେ ।
ଇଟିଭି ଭାରତ, ଢେଙ୍କାନାଳ
