ଢେଙ୍କାନାଳ: ହାତୀ ଘଉଡାଇବାକୁ ଯାଇ ଆକ୍ରମଣର ଶିକାର ହେଲେ ମହିଳା ଫରେଷ୍ଟର । ମହିଳା ଫରେଷ୍ଟରଙ୍କୁ ଦନ୍ତା ହାତୀ ଶୁଣ୍ଢରେ ଧରି କଚାଡି ଦେଇଥିଲା । ଏଥିରେ ଫରେଷ୍ଟରଙ୍କ ଛାତି ଓ ଗୋଡରେ ଗଭୀର ଭାବରେ ଆଘାତ ଲାଗିଛି । ଗୁରୁତର ଅବସ୍ଥାରେ ତାଙ୍କୁ କଟକ ମେଡିକାଲ ସ୍ଥାନାନ୍ତର କରାଯାଇଛି । ଗୁରୁତର ମହିଳା ଫରେଷ୍ଟର ଜଣକ ଶଶିରେଖା ଦିଆଣି । ସେ ଢେଙ୍କାନାଳ ଜିଲ୍ଲା ମହାବିରରୋଡ ରେଞ୍ଚ ପଙ୍ଗାତିରାରେ ଫରେଷ୍ଟର ଭାବେ କାର୍ଯ୍ୟ କରୁଥିଲେ ।
ଘଉଡାଇବାବେଳେ ମହିଳା ଫରେଷ୍ଟରଙ୍କୁ କଚାଡିଲା ଫିଙ୍ଗିଲା ଦନ୍ତା
ଶନିବାର ରାତିରେ ଢେଙ୍କାନାଳ ମହାବିରରୋଡ ରେଞ୍ଜର,ଫରେଷ୍ଟର ସମେତ ହାତୀ ସ୍କ୍ବାଡର ଏକ ଟିମ ହାତୀର ଗତିବିଧି ଜାଣିବାକୁ ମହାବିରରୋଡ ରେଞ୍ଜ ଜଙ୍ଗଲକୁ ଯାଇଥିଲେ । ଏହି ସମୟରେ ସେମାନେ ହାତୀ ପଲଙ୍କ ସହ ମୁହାଁମୁହିଁ ହୋଇଯାଇଥିଲେ। ଫଳରେ ଦନ୍ତା ହାତୀ ମହିଳା ଫରେଷ୍ଟରଙ୍କୁ ଗୋଡାଇ ଶୁଣ୍ଢରେ ଟେକି କଚାଡି ଦେଇଥିଲା।