ଘରୋଇ କଳିରୁ ବ୍ଲେଡ଼ରେ ପତ୍ନୀର ଗଳା କାଟିଦେଲା ପତି

ସଇତାନ ସ୍ବାମୀର ନାରକୀୟ କାଣ୍ଡ । ଘରୋଇ କଳିରୁ ରାକ୍ଷସ ସାଜିଲା ପତି । ଶୋଇଥିବା ବେଳେ ବ୍ଲେଡ଼ରେ କାଟିଲା ପତ୍ନୀର ଗଳା । ଅଧିକ ପଢନ୍ତୁ...

ଢେଙ୍କାନାଳ: ଘରୋଇ କଳିକୁ ନେଇ ସ୍ବାମୀର ଅଭାବନୀୟ କାଣ୍ଡ । ଯାହାକୁ ନେଇ ମୋଟଙ୍ଗା ଥାନା ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି ହୋଇଛି। ପତ୍ନୀ ଶୋଇଥିବାବେଳେ ଏକ ବ୍ଲେଡ଼ରେ ପତ୍ନୀର ଗଳାକାଟି ଦେଇଛି ସ୍ବାମୀ। ଫଳରେ ଅଧିକ ରକ୍ତସ୍ରାବ ଯୋଗୁଁ ଘଟଣାସ୍ଥଳରେ ହିଁ ପତ୍ନୀର ମୃତ୍ୟୁ ଘଟିଛି ।

ମୋଟଙ୍ଗା ଥାନା ଅନ୍ତର୍ଗତ ହାଣ୍ଡିଫୁଟା ନାଣ୍ଡି ପୋଲିଆ ସାହିରେ ଘଟିଛି ଏପରି ହତ୍ୟାକାଣ୍ଡ । ମୃତ ମହିଳା ଜଣଙ୍କ ସବିତା ନାଏକ ବୋଲି ଜଣାପଡିଛି । ଖବର ପାଇ ମୋଟଙ୍ଗା ପୋଲିସ ଅଭିଯୁକ୍ତ ସ୍ବାମୀ ସୁବାସ ନାଏକକୁ ଗିରଫ କରିଛି ।

ଘଟଣାସ୍ଥଳରେ ପୋଲିସ ଫରେନସିକ ଟିମ ସହ ଅନୁସନ୍ଧାନୀ କୁକୁର ମାଧ୍ୟମରେ ତଦନ୍ତ କରୁଛି । ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ।

ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ