ଢେଙ୍କାନାଳ: ଜିଲ୍ଲା ସଦର ଥାନା ଅନ୍ତର୍ଗତ ଲମ୍ବୋଦରପୁରଠାରେ ମଙ୍ଗଳବାର ଏକ ସଡକ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ ଘଟିଛି । ମୃତକ ହେଲେ ମଙ୍ଗଳପୁର ଗ୍ରାମର ସଞ୍ଜୟ ନାୟକ । ତେବେ ଦୁର୍ଘଟଣା ପରେ ଗୁରୁତର ଅବସ୍ଥାରେ ତାଙ୍କୁ କଟକ ବଡ ମେଡିକାଲରେ ଭର୍ତ୍ତି କରାଯାଇଥିଲା । ମାତ୍ର ବୁଧବାର ତାଙ୍କର ମୃତ୍ୟୁ ଘଟିଛି ।
ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଥିବା ବେଳେ ମୃତଦେହ ରାସ୍ତାରେ ରଖି ରାସ୍ତ ଅବରୋଧ କରିଛନ୍ତି ମଙ୍ଗଳପୁର ଗ୍ରାମବାସୀ । ଫଳରେ ଢେଙ୍କାନାଳ ଭାପୁର ମୁଖ୍ୟ ରାସ୍ତାରେ ସାଧାରଣ ଯାତାୟାତ ସମ୍ପୂର୍ଣ୍ଣ ଠପ ହୋଇଯାଇଛି । ଉତ୍ୟକ୍ତ ଲୋକେ ମୃତକଙ୍କ ପରିବାରକୁ କ୍ଷତିପୂରଣ ଦାବି କରିଛନ୍ତି । ଉତ୍ତେଜନାର ଖବର ପାଇ ସଦର ଥାନା ପୋଲିସ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିଛି । ପରେ ପ୍ରଶାସନ ପକ୍ଷରୁ ଢେଙ୍କାନାଳ ତହସିଲଦାର ପହଞ୍ଚି ରେଡ଼କ୍ରସ ପକ୍ଷରୁ ମୃତକ ପରିବାରକୁ ୨୦ ହଜାର ଟଙ୍କା କ୍ଷତିପୂରଣ ପ୍ରଦାନ ପରେ ଅପରାହ୍ନ ପ୍ରାୟ 5ଟାରେ ରାସ୍ତା ଅବରୋଧ ହଟିଥିଲା ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ