ଢେଙ୍କାନାଳ: ଜିଲ୍ଲାର ଭୁବନ ଅଞ୍ଚଳର ମୃଦଙ୍ଗା ଗ୍ରାମବାସୀମାନେ ପାନୀୟ ଜଳ ଯୋଗାଇଦେବା ଦାବିରେ ମୃଦଙ୍ଗା ପଞ୍ଚାୟତର ମୁଖ୍ୟ ରାସ୍ତାକୁ ଅବରୋଧ କରିଥିଲେ । ତେବେ ତହସିଲଦାର ଓ ବିଡିଓ ବୁଝାସୁଝା କରିବା ପରେ ସେମାନେ ରାସ୍ତାରୁ ହଟିଛନ୍ତି ।
ପାନୀୟ ଜଳ ଦାବିରେ ଗ୍ରାମବାସୀଙ୍କ ରାସ୍ତା ଅବରୋଧ
ଲୋକମାନଙ୍କୁ ପାନୀୟ ଜଳ ଯୋଗାଇବା ପାଇଁ ରାଜ୍ୟ ସରକାର ବସୁଧା ଯୋଜନା ପ୍ରଣୟନ କରିଛନ୍ତି । କିନ୍ତୁ ଆଜକୁ ଦୁଇ ମାସ ହେଲା ପାନୀୟ ଜଳରୁ ବଞ୍ଚିତ ହେଉଛନ୍ତି ମୃଦଙ୍ଗା ଗ୍ରାମବାସୀ । ସେହି ଗ୍ରାମରେ ସରକାରଙ୍କ ତରଫରୁ ବସୁଧା ଯୋଜନାରେ ପଚାଶ ହଜାର କ୍ଷମତା ବିଶିଷ୍ଟ ପାନୀୟ ଜଳ ପ୍ରକଳ୍ପ ହୋଇଥିଲା । କିନ୍ତୁ ଗତ ଦୁଇ ବର୍ଷ ହେବ ପାଣି ଠିକ୍ ଭାବରେ ମିଳୁ ନଥିବା ବେଳେ ଏବେ ଏକ ମାସ ହେବ ପାଣି ପାଇ ପାରୁନାହାନ୍ତି ଗ୍ରାମବାସୀ ।