ଢେଙ୍କାନାଳ: ସହର ଉପକଣ୍ଠ କାଠଗଡା ନିକଟରୁ ଜଣେ ଅଜଣା ବ୍ୟକ୍ତିଙ୍କ ମୃତଦେହ ଠାବ ହୋଇଛି । ପୂର୍ବତଟ ରେଳପଥର ଶ୍ୟାମଚରଣପୁର ଓ ଜୋରନ୍ଦା ରୋଡ଼ ପାସେଞ୍ଜର ହଲଟ ମଧ୍ୟରେ ଏହି ମୃତଦେହ ପଡିଥିବା ଦେଖାଯାଇଛି । ରେଳ ଧାରଣା ପାର୍ଶ୍ଵ ଏକ ବୁଦାରେ ଏହି ମୃତଦେହ ଗଳିତ ଅବସ୍ଥାରେ ପଡିଥିବା ଦେଖିବାକୁ ମିଳିଥଲା ।
ସନ୍ଧ୍ୟାରେ ଦୁର୍ଗନ୍ଧ ହେବାରୁ ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ଫଳରେ ଘଟଣାସ୍ଥଳକୁ ଟାଉନ ପୋଲିସ ପହଞ୍ଚି ମୃତଦେହ ଯାଞ୍ଚ କରି ରେଳ ବିଭାଗ ପୋଲିସକୁ ଖବର ଦେଇଛି । ମୃତ ବ୍ୟକ୍ତିଙ୍କ ପରିଚୟ ଜଣାପଡିନଥିବା ବେଳେ ମୃତଦେହଟି ପଚି ଯାଇଥିବାରୁ ଚିହ୍ନଟ କରିବାରେ ପୋଲିସ ଅକ୍ଷମ ହୋଇଛି । ତେବେ ରେଳ ବିଭାଗର ପୋଲିସ ପହଞ୍ଚବା ପରେ ବ୍ୟବଚ୍ଛେଦ କରାଯିବ ବୋଲି ଜଣାପଡିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ