ଢେଙ୍କାନାଳ: ଜଣେ ଦଶମ ଶ୍ରେଣୀ ଛାତ୍ରୀଙ୍କୁ ବ୍ଲାକ ମେଲ କରି ବାରମ୍ବାର ଦୁଷ୍କର୍ମ କରାଯାଇଥିବା ନେଇ ହୋଇଛି ସଂଗୀନ ଅଭିଯୋଗ । ଅଭିଯୁକ୍ତ ଦୁଇଜଣ ଯୁବକଙ୍କୁ ପୀଡିତାର ପରିବାର ପକ୍ଷରୁ କାବୁ କରି ପୁଲିସରେ ଜିମା ଦେଇଛନ୍ତି । ତେବେ ଏପରି ଏକ ସଂଗୀନ ଅଭିଯୋଗକୁ ଚାପି ଦେବାକୁ ଅପଚେଷ୍ଟା ଅରିଛି ଢେ଼ଙ୍କାନାଳ ସଦର ପୋଲିସ । ଏପରିକି ଘଟଣା ଘଟିବାର ତିନିଦିନଧରି ଚୁପ ରହିଥିବା ପୁଲିସ ରଫା ଦଫା କରିବାରେ ବିଫଳ ପରେ ଶନିବାର କାର୍ଯ୍ୟାନୁଷ୍ଠାନ ଆରମ୍ଭ କରିଛି । ଫଳରେ ପୀଡିତା ସଠିକ ନ୍ୟାୟ ପାଇବା ନେଇ ଆଶଙ୍କା ପ୍ରକାଶ ପାଇଛି ।
ପ୍ରଥମେ ଭଲପାଇବା ଆଳ । ଆଉ ତାପରେ ଅସଲି ଖେଳ । ବ୍ଲାକମେଲ କରି ନିଜେ ଦୁଷ୍କର୍ମ କରିବା ପରେ ନିଜ ସାଙ୍ଗ ମାଧ୍ୟମରେ ଘଟଣାକୁ ଭାଇରାଲ କରିବାର ଦେଖାଇଥିଲା ଭୟ । ଏହା ପରେ ଦୁଇ ସାଙ୍ଗ ବାରମ୍ବାର ଦୁଷ୍କର୍ମ କରିବାକୁ ପଛାଇଲେ ନାହିଁ । ଢେଙ୍କାନାଳ ଜିଲ୍ଲା ସଦର ଥାନା ଅନ୍ତର୍ଗତ ଅଙ୍କରନ୍ତି ପୁରର ଏହି ଦୁଇ ଅଭିଯୁକ୍ତଙ୍କ କଳା କାରନାମା ଏବେ ଚର୍ଚ୍ଚାର ପରିସରକୁ ଆସିଛି । ଜଣେ ଦଶମ ଶ୍ରେଣୀ ଛାତ୍ରୀକୁ ବାରମ୍ବାର ଦୁଷ୍କର୍ମ କରିଥିବା ଅଭିଯୋଗରେ ପୀଡିତା ପରିବାର ପକ୍ଷରୁ ଗତ ବୁଧବାର ଏହି ଦୁଇ ଯୁବକଙ୍କୁ କାବୁ କରି ପୋଲିସରେ ଜିମା ଦେଇଛନ୍ତି । ଗତ ବୁଧବାର ଠାରୁ ଏହା ଘଟିଥିଲେ ମଧ୍ୟ ପୋଲସ ୩ଦିନ ପରେ ଶନିବାର ପୀଡିତାର ଡାକ୍ତରୀ ମାଇନା କରିଛି । ଏପରିକି କାବୁ ହୋଇଥିବା ଦୁଇ ଅଭିଯୁକ୍ତ ଅଙ୍କରାନ୍ତିପୁରର ବାବୁନା ରାଉତ ଓ ରାକେଶ ବେହେରାଙ୍କୁ ଗିରଫ ଦର୍ଶାଇ କୋର୍ଟ ଚାଲାଣ କରିଛି । ପୋଲିସର ଏପରି ଭୂମିକାରେ ସଠିକ ନ୍ୟାୟ ପାଇବା ନେଇ ସନ୍ଦେହରେ ପଡିଯାଇଛନ୍ତି ପୀଡିତାର ପରିବାର ।