ଦନ୍ତା ଆକ୍ରମଣରେ ମାମୁଁ ଭାଣିଜୀ ଆହତ

ଢେଙ୍କାନାଳ ମହାବୀର ରୋଡ ବନାଞ୍ଚଳର ଡିହଡୋଳ ସେକ୍ସନରେ ଦନ୍ତାହାତୀ ଆକ୍ରମଣରେ ମାମୁଁ ଭାଣିଜୀ ଆହତ । ଅଧିକ ପଢ଼ନ୍ତୁ...

ଢେଙ୍କାନାଳ: ଜିଲ୍ଲା ମହାବୀର ରୋଡ ବନାଞ୍ଚଳର ଡିହଡୋଳ ସେକ୍ସନରେ ପୁଣି ଦନ୍ତାହାତୀ ଆତଙ୍କ । ଦନ୍ତାହାତୀ ଆକ୍ରମଣରେ ବୁଧବାର 2ଜଣ ଆହତ ହୋଇଛନ୍ତି। 2ଆହତ ହେଲେ ଆମ୍ବପଳାଶ ଗ୍ରାମର ଟୁନା ନାଥ ଓ ତାଙ୍କ ଭାଣିଜୀ ମାମାଲି ନାଥ ।

ତେବେ ହାତୀ ଆକ୍ରମଣରୁ କୌଣସି ପ୍ରକାରେ ବର୍ତ୍ତି ଯାଇଥିବା ମାମୁଁ ଭାଣିଜୀ ଉଭୟଙ୍କୁ ଚିକିତ୍ସା ପାଇଁ ପ୍ରଥମେ ପର୍ଜଙ୍ଗ ଗୋଷ୍ଠୀସ୍ବାସ୍ଥ୍ୟ କେନ୍ଦ୍ର ଓ ପରେ କାମାକ୍ଷାନଗର ଡାକ୍ତରଖାନାରେ ଭର୍ତ୍ତି କରିଯାଇଛି।

ସୂଚନା ଅନୁସାରେ ମାମାଲି ଓ ମାମୁଁ ଟୁନା ଘର ପଛପଟେ ବସିଥିବା ବେଳେ ଏକ ଦନ୍ତାହାତୀ ସେମାନଙ୍କୁ ଅତର୍କିତ ଆକ୍ରମଣ କରିଥିଲା । ତେବେ କୌଣସି ମତେ ସେମାନେ ଅଳ୍ପକେ ଜୀବନ ବଞ୍ଚାଇ ଖସିଆସିଥିଲେ। କିନ୍ତୁ ଦନ୍ତା ଆକ୍ରମଣରେ ସେମାନେ ଆହାତ ହୋଇଥିବା ଜଣାପଡିଛି । ଚିକିତ୍ସା ପରେ ଉଭୟ ବିପଦମୁକ୍ତ ଥିବା ଜଣା ପଡିଛି।

ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ