ଢେଙ୍କାନାଳ: ଅଭିନବ ଉପାୟରେ ଗହଣା ଦୋକାନରୁ ଲୁଟବେଳେ ଧରାପଡିଲେ ଦୁଇ ମହିଳା । ଲୁଟବେଳେ ଦୁଇ ମହିଳାଙ୍କୁ କାବୁ କରି ପୋଲିସ ଜିମା ଦେଲେ ସ୍ଥାନୀୟ ଲୋକେ । ଢେଙ୍କାନାଳ ସହର ଗାନ୍ଧିମନ୍ଦିର ରୋଡ଼ର ଜୁଏଲରୀ ଦୋକାନରୁ ହେଉଥିଲା ଏହି ଲୁଟ ।
ଗ୍ରାହକ ହୋଇ ଗହଣା ଦୋକାନରୁ ଲୁଟବେଳେ ଧରାପଡିଲେ ଦୁଇ ମହିଳା
ଗ୍ରାହକ ହୋଇ ଚଞ୍ଚକତାର ସହ ଗହଣା ଦୋକାନରୁ କରୁଥିଲେ ଲୁଟ । ଆଉ ଦୋକାନରେ ସିସିଟିଭି ନ ଥିବାର ସୁଯୋଗ ନେଇ ଗୋଟିଏ ପରେ ଗୋଟିଏ ଅଳଙ୍କାର ଲୁଟ କରୁଥିବାବେଳେ ଧରାପଡ଼ିଗଲା ତାଙ୍କର ଚାଲ । ଫଳରେ ସ୍ଥାନୀୟ ଲୋକଙ୍କ ଦ୍ୱାରା କାବୁ ହୋଇଗଲେ ଗ୍ରାହକ ହୋଇ ଲୁଟ କରୁଥିବା ଏହି ଦୁଇ ମହିଳା ।
ଢେଙ୍କାନାଳ ସହର ଗାନ୍ଧିମନ୍ଦିର ରୋଡ଼ରେ ଥିବା ସୁନିତା ଜୁଏଲରୀରୁ ଏପରି ଅଭିନବ ଉପାୟରେ ଲୁଟ କରୁଥିବା ଦୁଇ ମହିଳାଙ୍କୁ ଟାଉନ ଥାନା ପୁଲିସ ଅଟକ ରଖିଛି । ଅଟକ ରହିଥିବା ଏହି ଦୁଇ ମହିଳା କଟକ ସିଡିଏ ଓ ଅଲିଶା ବଜାର ଅଞ୍ଚଳର ବୋଲି କହୁଛନ୍ତି । ଏମାନେ ଗୋଟିଏ ସ୍କୁଟିରେ ଯାଇ ଢେଙ୍କାନାଳ ସହରର କେତେକ ଗହଣା ଦୋକାନରେ ଗ୍ରାହକ ଭାବେ ଗହଣା କିଣିବା ବାହାନା କରି ଲୁଟ ଉଦ୍ୟମ କରିଛନ୍ତି ।