ଟ୍ରକ ଧକ୍କାରେ ମାଇକ୍ରୋ ଫାଇନାନ୍ସ ଏଜେଣ୍ଟ ମୃତ

ଢେଙ୍କାନାଳ 55ନଂ ଜାତୀୟ ରାଜପଥର ସଦର ଥାନା ନିକଟରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି । ବାଇକକୁ ଧକ୍କା ଦେଇ ଦୁର୍ଘଟଣା ସ୍ଥଳରୁ ଟ୍ରକ୍‌ ଖସି ପଳାଇଛି । ତେବେ ଏହି ଦୁର୍ଘଟଣାରେ ବାଇକ ଆରୋହୀର ଚିକିସ୍ଥିତ ଅବସ୍ଥାରେ ମୃତ୍ୟୁ ଘଟିଥିବା ଜଣାପଡିଛି । ଅଧିକ ପଢନ୍ତୁ..

ଢେଙ୍କାନାଳ:ଜିଲ୍ଲା ଦେଇ ଯାଇଥିବା 55ନଂ ଜାତୀୟ ରାଜପଥର ସଦର ଥାନା ନିକଟରେ ଏକ ବାଇକକୁ ଧକ୍କା ଦେଇଛି ଟ୍ରକ୍ । ଏହି ଦୁର୍ଘଟଣାରେ ବାଇକ ଆରୋହୀର ଚିକିସ୍ଥିତ ଅବସ୍ଥାରେ ମୃତ୍ୟୁ ଘଟିଥିବା ଜଣାପଡିଛି । ମୃତ ଯୁବକ ଜଣଙ୍କ ଖୋର୍ଦ୍ଧା ଅରାଙ୍ଗ ଗ୍ରାମର ବାବୁଲି ପରିଡା ବୋଲି ଜଣାପଡିଛି ।

ବାବୁଲି ବାଇକରେ ଯାଉଥିବା ସମୟରେ ଟ୍ରକଟି ତାଙ୍କୁ ଧକ୍କା ଦେଇଥିଲା । ଏହି ଦୁର୍ଘଟଣା ପରେ ବାଇକ ଆରୋହୀଙ୍କୁ ଗୁରୁତର ଅବସ୍ଥାରେ ୧୦୮ଆମ୍ବୁଲାନ୍ସ ଯୋଗେ ଚିକିତ୍ସା ପାଇଁ ଢେଙ୍କାନାଳ ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ମାତ୍ର ଡାକ୍ତର ଖାନାରେ ଚିକିସ୍ଥିତ ଅବସ୍ଥାରେ ତାଙ୍କର ମୃତ୍ୟୁ ଘଟିଛି । ମୃତ ଯୁବକ ମାଇକ୍ରୋ ଫାଇନାନ୍ସ କମ୍ପାନୀର କଲେକ୍ସନ ଏଜେଣ୍ଟ ଥିଲେ ବୋଲି ଜଣାପଡିଛି । ଦୁର୍ଘଟଣା ଘଟାଇଥିବା ଟ୍ରକ୍‌ଟି ଖସି ପଳାଇ ଯାଇଥିବାର ସୂଚନା ମିଳିଛି ।

ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ