ଢେଙ୍କାନାଳ: ସହରର ମୁଖ୍ୟରାସ୍ତାରେ ଏବେ ପରିବା ଓ ଉଠା ଦୋକାନୀଙ୍କ ରାଜ । ଯିଏ ଯେଉଁଠି ପାଇଲା ସେଇଠି ପସରା ମେଲାଇ ବସୁଛି । ଏପରି ଭାବେ ସହରର ମୁଖ୍ୟ ରାସ୍ତାର ଉଭୟ ପାର୍ଶ୍ବ ଉପରକୁ ମାଡି ଆସିଛନ୍ତି ଉଠା ଦୋକାନୀ । ସେପଟେ କେବଳ ଫି ଆଦାୟ କରି ଚୁପ ବସିଛି ପୌରକର୍ତ୍ତୃପକ୍ଷ । ଫଳରେ ବିନ୍ଦାସ ଉଠା ଦୋକାନୀ ।କର୍ତ୍ତୃପକ୍ଷଙ୍କ କୁମ୍ଭକର୍ଣ୍ଣ ନିଦ୍ରା ଯୋଗୁଁ ଟ୍ରାଫିକ ସମସ୍ୟା ଜଟିଳ ହୋଇପଡିଛି । ଫଳରେ ସହରବାସୀ ନାନା ସମସ୍ୟାରେ ସନ୍ତୁଳିତ ହେଉଛନ୍ତି ।
ରାସ୍ତା ପାର୍ଶ୍ବରେ ଉଠା ଦୋକାନୀଙ୍କ କବଜା ଦିନକୁ ଦିନକୁ ସହରର 2ପାର୍ଶ୍ବରେ ଉଠା ଦୋକାନୀଙ୍କ ସଂଖ୍ୟା ବୃଦ୍ଧି ପାଉଛି । ଯଦ୍ବାରା ରାସ୍ତା ସଂକୀର୍ଣ୍ଣ ହୋଇପଡିବା ସହ ଟ୍ରାଫିକ ସମସ୍ୟା ଏବେ ମୁଣ୍ଡ ଟେକିଲାଣି । ସହରର ରଥଗଡା, ଜିଲ୍ଲାପାଳଙ୍କ ଅଫିସ, ଗୁଡିଆନାଳୀ ଓ କୁଞ୍ଜକାନ୍ତ ଅଞ୍ଚଳରେ ଛୋଟମୋଟ ଦୁର୍ଘଟଣାମାନ ବଢିବାରେ ଲାଗିଛି । ଉଠା ଦୋକାନୀମାନଙ୍କ ଏପରି ମନମାନୀ ନେଇ ସାଧାରଣଲୋକେ ଅଣନିଶ୍ବାସୀ ହୋଇପଡିଛନ୍ତି । ଆଉ ଏପଟେ ଟାଉନ ପୋଲିସ ପୌରକର୍ତ୍ତୃପକ୍ଷଙ୍କୁ ଇଙ୍ଗିତ କରି ହାତ ବାନ୍ଧି ବସି ପଡୁଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
