ଚାଷ ଜମିରୁ ଫେରିବା ବେଳେ ଟ୍ରାକ୍ଟର ଓଲଟି ଚାଷୀ ମୃତ

ଟ୍ରାକ୍ଟର ଓଲଟି ଚାଷୀ ମୃତ । ଗଁନ୍ଦିଆ ଥାନା ଶୋରିସିଆ ପଦା ରାମେଇ ଗ୍ରାମରେ ଘଟିଛି । ଚାଷ କରିବାକୁ ଯାଇ ଟ୍ରାକ୍ଟର ଓଲଟି ଜଣେ ମୃତ । ଅଧିକ ପଢନ୍ତୁ...

ଢେଙ୍କାନାଳ:ଚାଷ କରିବାକୁ ଯାଇ ଓଲଟି ପଡିଲା ଟ୍ରାକ୍ଟର । ଫଳରେ ଟ୍ରାକ୍ଟର ତଳେ ଚାପି ହୋଇ ଜଣେ ଚାଷୀଙ୍କ ମୃତ୍ୟୁ ଘଟିଛି । ଏପରି ଅଭାବନୀୟ ଦୁର୍ଘଟଣା ଘଟିଛି ଢେଙ୍କାନାଳ ଜିଲ୍ଲା ଗଁନ୍ଦିଆ ଥାନା ଅନ୍ତର୍ଗତ ଶୋରିସିଆ ପଦା ରାମେଇ ଗ୍ରାମରେ । ମୃତକ ଜଣଙ୍କ ରାମେଇ ଗ୍ରାମର ଟୁକୁ ମାହାନ୍ତ ବୋଲି ଜଣାପଡିଛି ।

ଟୁକୁ ଜଣେ ଚାଷୀ ଓ ତାଙ୍କ ଟ୍ରାକ୍ଟର ଯୋଗେ ବିଲକୁ ଚାଷ କରିବାକୁ ଯାଇ ଘରକୁ ଫେରୁଥିଲେ । ମାତ୍ର ବିଲ ପାଖରେ ଟ୍ରାକ୍ଟରଟି ଭାରସାମ୍ୟ ହରାଇ ଓଲଟି ପଡିଥିଲା । ଫଳରେ ସେ ଟ୍ରାକ୍ଟର ତଳେ ଚାପିହୋଇ ଯାଇଥିଲେ । ଖବର ପାଇ ଘଟଣାସ୍ଥଳକୁ ଗଁନ୍ଦିଆ ପୋଲିସ ପହଞ୍ଚି ମୃତ ଦେହ ଉଦ୍ଧାର କରି ବ୍ୟବଛେଦ ପାଇଁ ପଠାଇଛି ।

ଢେଙ୍କାନାଳରୁ ଉର୍ମିଳା ପାତ୍ର,ଇଟିଭି ଭାରତ