ଯୋରନ୍ଦା ମେଳାର ଅନ୍ତିମ ଦିବସ, ଜଳିଲା ଝାଡବତୀ

ଶେଷ ହେଲା ବିଶ୍ୱ ପ୍ରସିଦ୍ଧ ଯୋରନ୍ଦା ମହିମା ମେଳା । 3ଦିନ ଧରି ଚାଲିଥିବା ଏହି ମେଳାର ଆଜି ହେଉଛି ଉଦଯାପନୀ ଦିବସ । ଅଧିକ ପଢନ୍ତୁ..

ଢେଙ୍କାନାଳ: ଶେଷ ହେଲା ବିଶ୍ୱ ପ୍ରସିଦ୍ଧ ଯୋରନ୍ଦା ମହିମା ମେଳା । 3ଦିନ ଧରି ଚାଲିଥିବା ଏହି ମେଳାର ଆଜି ହେଉଛି ଉଦଯାପନୀ ଦିବସ ।

ଯୋରନ୍ଦା ମେଳା ମାଘ ଚର୍ତୁଦର୍ଶୀ ଠାରୁ ଆରମ୍ଭ ହୋଇ ତିନିଦିନ ଧରି ମାଘ ପୂର୍ଣ୍ଣିମା ଦିନ ଉଦଯାପନ କରାଯାଇଥାଏ । ମେଳାର ଅନ୍ତିମ ଦିନରେ ମହିମା ସାଧୁମାନେ ପ୍ରାତଃରୁ ନୀତିକାନ୍ତି ସାରି ମଧ୍ୟାହ୍ନ ଧୂପ ପରେ ସଂନ୍ଧ୍ୟାରେ ଝାଡଦୀପ ପ୍ରଜ୍ଜ୍ବଳନ କରିଥିଲେ। ଏହି ମାଘ ମେଳାର ଅନ୍ତିମ ଦିବସରେ ମୁଖ୍ୟ ଗାଦି ମନ୍ଦିରର କେବଳ ପଶ୍ଚିମ ଦ୍ବାରରେ ଗୋଟିଏ ଝାଡବତୀରେ ଓ ଶୂନ୍ୟ ମନ୍ଦିରରେ ଗୋଟିଏ ଝାଡବତୀ ଜଳିଛି ।

ମହିମା ସାଧୁମାନେ ଜଗତର କଲ୍ୟାଣ ଓ ମହାମାରୀ କୋରୋନା ଦୂରେଇଯିବା ଉଦ୍ଦେଶ୍ୟରେ ଘିଅ ଘୃତାହୃତି କରିଛନ୍ତି । ମହିମା ଗାଦିରେ ସାଧୁସନ୍ଥଙ୍କ ଖଞ୍ଜଣି, ଭଜନ ଓ ଅଲେଖ ମହିମା ଶବ୍ଦରେ ପୁରା ପରିବେଶ କମ୍ପି ଉଠୁଛି । ଏହି ଉଦଯାପନୀ ଅବସରରେ ମହିମା ସାଧୁ ସନ୍ଥଙ୍କ ଏକ ଧର୍ମ ସଭା ଅନୁଷ୍ଠିତ ହୋଇଥିଲା । ଚଳିତ ବର୍ଷ କୋରୋନା କଟକଣା ଯୋଗୁ ବିନା ଭକ୍ତରେ ବିଧିରକ୍ଷା କରି ପାଳିତ ହୋଇଛି ଯୋରନ୍ଦା ମେଳା ।

ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ