ଢ଼େଙ୍କାନାଳ : ଆଜି ପବିତ୍ର ରାମନବମୀ । ଏହି ଅବସରରେ ଢ଼େଙ୍କାନାଳର ଅନ୍ୟତମ ପର୍ଯ୍ୟଟନସ୍ଥଳୀ ସପ୍ତଶଯ୍ୟାସ୍ଥିତ ପ୍ରଭୁ ଶ୍ରୀରାମଙ୍କ ପୀଠ ଏକ ଆଧ୍ୟାତ୍ମିକ ପରିବେଶରେ ଉଛୁଳି ଉଠିଛି । ଦୀର୍ଘ ଦୁଇ ବର୍ଷର କୋଭିଡ କଟକଣା ଉଠିଯାଇଥିବାରୁ ପୀଠକୁ ଶହଶହ ଭକ୍ତ ଓ ଶ୍ରଦ୍ଧାଳୁଙ୍କ ସୁଅ ଛୁଟିଛି । ଏହି ଅବସରରେ ଢ଼େଙ୍କାନାଳର ଅନ୍ୟତମ ପର୍ଯ୍ୟଟନସ୍ଥଳୀ ସପ୍ତଶଯ୍ୟାସ୍ଥିତ ଶ୍ରୀରାମଙ୍କ ପୀଠ ବେଶ ଚଳଚଞ୍ଚଳ ହୋଇଉଠିଛି ।
ପବିତ୍ର ରାମ ନବମୀରେ ଢେଙ୍କାନାଳର ସପ୍ତଶଯ୍ୟା ଚଳଚଞ୍ଚଳ
ପୀଠରେ ମର୍ଯ୍ୟାଦା ପୁରୁଷୋତ୍ତମ ପ୍ରଭୁ ଶ୍ରୀରାମ ତାଙ୍କ ପରିଷଦ ବର୍ଗଙ୍କ ସହ ବିଦ୍ୟମାନ ଥିବାରୁ ପାଳିତ ହେଉଛି ପ୍ରଭୁଙ୍କ ଜନ୍ମୋତ୍ସଵ। ଏଥିପାଇଁ ଆଜି ସକାଳୁ ସ୍ବତନ୍ତ୍ର ଭାବେ ରୀତିନୀତି ମୁତାବକ ପ୍ରଭୁଙ୍କର ପୂଜାର୍ଚ୍ଚନା ହୋଇଥିଲା। ପରମ୍ପରା ମୁତାବକ ଏଠାରେ ସପ୍ତର୍ଷିଙ୍କ ଯଜ୍ଞ ମଣ୍ଡପରେ ବିଶ୍ବଶାନ୍ତି ଉଦ୍ଦେଶ୍ୟରେ ଉତ୍କଳ ସତ୍ୟ ସମାଜ ପକ୍ଷରୁ ଯଜ୍ଞ ଉତ୍ସବ ଆୟୋଜନ କରାଯାଇଥିଲା ।