ଢେଙ୍କାନାଳ:ଏମିତି ବି ଆସେ ମୃତ୍ୟୁ । ଖେଳ ହେଲା କାଳ । ଦୁନିଆ କଣ ଜାଣିବା ଆଗରୁ ଚାଲିଗଲା ନାବାଳକର ଜୀବନ । ଖେଳୁଥିବା ସମୟରେ କୂଅରେ ପଡି ଆଠବର୍ଷ ନାବାଳକର ମୃତ୍ୟୁ ହୋଇଛି । ଏପରି ଅଭାବନୀୟ ଘଟଣା ଘଟିଛି ଢେଙ୍କାନାଳ ଜିଲ୍ଲା ଭୁବନ ଏନଏସି ଅନ୍ତର୍ଗତ ଓ୍ବାର୍ଡ-୧୪ରେ ।
ଖେଳ ହେଲା କାଳ,କୂଅରେ ପଡି ନାବାଳକ ମୃତ
ସୂଚନାଅନୁସାରେ, ଶନିବାର ଅପରାହ୍ନରେ ସାଙ୍ଗମାନଙ୍କ ସହିତ ଖେଳୁଥିବା ସମୟରେ ଘର ନିକଟରେ ଥିବା ଏକ ପରିତ୍ୟକ୍ତ କୂଅରେ ବାଳକ ଜଣକ ପଡିଯାଇଥିଲା । ମୃତ ବାଳକଟି ହେଲା ମୋହନ ମଳିକଙ୍କ ପୁଅ ପବିତ୍ର ମଳିକ । ବାଳକଟି କୂଆରେ ପଡିଥିବା ସମୟରେ କାହାର ନଜର ପଡିନଥିଲା । ବିଳମ୍ବ ହେବାରୁ ଘରଲୋକେ ବହୁ ଖୋଜାଖୋଜି କରିଥିଲେ । ବହୁତ ସମୟ ହେବା ଯାଏଁ ପିଲାଟିର କିଛି ଖବର ପାଇ ନଥିଲେ ।