ଢେଙ୍କାନାଳ: ମହିମା ଗାଦି ଯୋରନ୍ଦାରେ ଚଳିତ ବର୍ଷ ମହିମା ସାଧୁ ମାନଙ୍କ ମଧ୍ୟରେ ସୀମିତ ରହିଲା ମେଳା । ଚଳିତ ବର୍ଷ କୋରନା କଟକଣା ମଧ୍ୟରେ ପ୍ରସିଦ୍ଧ ମହିମାଗାଦି ଯୋରନ୍ଦା ମାଘ ମେଳା ଅନୁଷ୍ଠିତ ହୋଇଛି । ଗୁରୁବାର ଠାରୁ ମହିମା ଧର୍ମର ଏହି ବାର୍ଷିକ ଉତ୍ସବ ମାଘମେଳା ଆରମ୍ଭ ହୋଇ ତିନିଦିନ ବ୍ୟାପୀ ଚାଲିବ । ତେବେ କୋରୋନା ସଂକ୍ରମଣ ଆଶଙ୍କାରେ ଚଳିତ ବର୍ଷ ଜିଲ୍ଲା ବାହାର ସାଧୁ ଓ ଶ୍ରଦ୍ଧାଳୁଙ୍କୁ ମହିମା ଗାଦି ବାରଣ କରାଯାଇଛି ।
କୋଭିଡ କଟକଣା ମଧ୍ୟରେ ଅନୁଷ୍ଠିତ ହେଲା ପ୍ରସିଦ୍ଧ ଜୋରନ୍ଦା ମାଘ ମେଳା
ମହିମା ଗାଦିର ସାଧୁ ମାନଙ୍କ କୋଭିଡ ଟେଷ୍ଟ କରାଯାଇ ମୁଖ୍ୟ ଗାଦି ମନ୍ଦିରକୁ ଛଡ଼ାଯାଇଛି । ତେବେ ଗାଦି ମନ୍ଦିର ଭିତରକୁ ଯିବାକୁ ହେଲେ କୋଭିଡ ନେଗେଟିଭ ରିପୋର୍ଟ ବାଧ୍ୟତା ମୂଳକ କରାଯାଇଛି । ଫଳରେ ଚଳିତ ବର୍ଷ ଦିନ ତମାମ ମହିମା ଗାଦି ଅଞ୍ଚଳ ଖାଁ ଖାଁ ପରିବେଶ ରହିଥିବା ବେଳେ ସନ୍ଧ୍ୟା ପରେ କିଛି ସ୍ଥାନୀୟ ମହିମା ଭକ୍ତଙ୍କର ଆଗମନ ଘଟିଛି ।