ଢେଙ୍କାନାଳ: ଓଡାପଡା ବ୍ଳକ ଓ ହିନ୍ଦୋଳ ଏନଏସିର ୫ଜଣ ଯୁବକ କୋରୋନା ଆକ୍ରାନ୍ତରୁ ସୁସ୍ଥ ହୋଇ ପ୍ଲାଜମା ଦାନ କରିବାକୁ ସ୍ବତଃ ପ୍ରବୃତ୍ତ ଭାବେ ଉତ୍ସାହିତ ହୋଇଥିଲେ । ଉକ୍ତ ଯୁବକମାନଙ୍କର ଉତ୍ସାହକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନର ପ୍ରଚେଷ୍ଟାରେ ୫ ଯୁବକ କଟକ ଏସସିବିକୁ ଯାଇ ପ୍ଲାଜମା ଦାନ କରି ଫେରିଛନ୍ତି ।
ପ୍ଲାଜମା ଦାତାଙ୍କୁ ସମ୍ବର୍ଦ୍ଧିତ କଲେ ଜିଲ୍ଲାପାଳ - ପ୍ଲାଜମା ଦାତାଙ୍କୁ ସମ୍ବର୍ଦ୍ଧିତ କଲେ ଜିଲ୍ଲାପାଳ
ଢେଙ୍କାନାଳ ଜିଲ୍ଲାରେ ପୁଣି ୫ଜଣ ଯୁବକ ପ୍ଲାଜମା ଦାନ କରିଛନ୍ତି । କୋରୋନାରେ ଗୁରୁତର ହୋଇଥିବା ଆକ୍ରାନ୍ତଙ୍କ ଚିକିତ୍ସାରେ ଏହି ପ୍ଳାଜମା ଥେରାପି ଏକ ନୂତନ ଆଶା ସୃଷ୍ଟି କରିଛି । ପଢନ୍ତୁ ସମ୍ପୂର୍ଣ୍ଣ ଖବର...
ପ୍ଲାଜମା ଦାନକାରୀ ଯୁବକଙ୍କୁ ସମ୍ବର୍ଦ୍ଧିତ କଲେ ଜିଲ୍ଲାପାଳ
ଏହି ଯୁବକମାନେ ହେଲେ ଓଡାପଡା ବ୍ଳକ ନିମିଧାର ମିଟୁ ସିଂହ, ଅଶରଦାର ରୁଦ୍ର ପ୍ରସନ ସାହୁ, ବିଡୋ ଗ୍ରାମର ସୁବ୍ରତ ସାହୁ, ହିନ୍ଦୋଳ ଏନଏସି ଅମଲାପଡାରୁ ସାଫିକ ଖାଁ ଓ ଧୋବଣୀ ନନ୍ଦର ନରୋତ୍ତମ ପରିଡା ବୋଲି ଜଣାପଡିଛି। ଏମାନଙ୍କୁ ଜିଲ୍ଲା ପ୍ରଶାସନ ପକ୍ଷରୁ ଉତ୍ସାହିତ କରିବା ପାଇଁ ଜିଲ୍ଲାପାଳ ଉତ୍ତରୀୟ ଓ ମାନପତ୍ର ଦେଇ ସମ୍ବର୍ଦ୍ଧିତ କରିଥିଲେ । ତେବେ ଆଜିସୁଧା ଜିଲ୍ଲାରେ ମୋଟ ୧୨ ଜଣ ବ୍ୟକ୍ତି ପ୍ଲାଜମା ଦାନ କରିଥିବା ଜଣାପଡିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ