ଢେଙ୍କାନାଳ : ଏନ ଏଚ-୫୩ର ଢେଙ୍କାନାଳ ଜିଲ୍ଲା ବାରିହା ପୁର ନିକଟରେ ଦୁର୍ଘଟଣାରେ ବାଇକ ଆରୋହୀଙ୍କ ମୃତ୍ୟୁ । ୫୩ନମ୍ବର ଜାତୀୟ ରାଜପଥରେ ବାଇକ ଉପରେ ଚଢ଼ିଗଲା ଟ୍ରକ । ଫଳରେ ଘଟଣାସ୍ଥଳରେ ବାଇକ୍ ଆରୋହୀଙ୍କ ମୃତ୍ୟୁ ଘଟିଛି ।
ମୃତକ ଜଣକ ହେଲେ କାମାକ୍ଷାନଗର ଥାନା ବାଙ୍ଗୁରା ଗ୍ରାମର ବିନୟ କୁମାର ସାମଲ । ପରଜଙ୍ଗ ଥାନା ୫୩ ନଂ ଜାତୀୟରାଜପଥ ବାରିହାପୁର ଛକ ନିକଟରେ ଏହି ଦୁର୍ଘଟଣା ଘଟିଛି ।
ସୂଚନା ମୁତାବକ, ବିନୟ ସାମଲ ବାଇକ ଯୋଗେ ପରଜଙ୍ଗରୁ ନିଜ ଗାଁ ବାଙ୍ଗୁରାକୁ ଫେରୁଥିଲେ । ବରିହାପୁର ଛକ ନିକଟରେ ପଛପଟୁ ଟ୍ରକଟି ତାଙ୍କ ବାଇକ ଉପରେ ଚଢ଼ି ପଳାଇଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି ।
ଖବରପାଇ ଘଟଣାସ୍ଥଳରେ ପରଜଙ୍ଗ ପୋଲିସ ପହଁଞ୍ଚି ମୃତଦେହକୁ ଜବତ କରିବା ସହ ଫେରାର ଟ୍ରକଟିକୁ ପିଛାକରି କାମାକ୍ଷାନଗର ନିକଟରେ ଗାଡିଟିକୁ ଧରିବା ସହ ଅଧିକ ତଦନ୍ତ ଜାରି ରଖିଛି ।
ଢେଙ୍କାନାଳରୁ ଉର୍ମିଳା ପାତ୍ର ,ଇଟିଭି ଭାରତ
