ଢେଙ୍କାନାଳ: ଜିଲ୍ଲାରେ ବିଦ୍ୟୁତ ସରବରାହ କାର୍ଯ୍ୟକୁ ସେସୁ ପକ୍ଷରୁ ପ୍ରଥମେ NJAN କମ୍ପାନୀ ଆଉ ଏବେ ଟାଟା କମ୍ପାନୀକୁ ଠିକା ଭାବେ ଦିଆଯାଇଛି । ମାତ୍ର ସେସୁ ପକ୍ଷରୁ ଢେଙ୍କାନାଳ ଜିଲ୍ଲାର ଅସ୍ଥାୟୀ ଭାବେ ନିଯୁକ୍ତି ଦେଇଥିବା ୭ ହଜାର ୫ ଶହ କର୍ମଚାରୀଙ୍କ କଥା କେହି ଶୁଣୁନଥିବା ଅଭିଯୋଗ କରିଛନ୍ତି ଅସ୍ଥାୟୀ କର୍ମଚାରୀ ।
ଘରୋଇ କମ୍ପାନୀକୁ ଠିକା ପରେ ଚିନ୍ତାରେ ଅସ୍ଥାୟୀ କର୍ମଚାରୀ , 26 ରୁ କାର୍ଯ୍ୟବନ୍ଦ ଆନ୍ଦୋଳନ ଚେତାବନୀ
ଏପରିକି ସେସୁ ପକ୍ଷରୁ ଠିକା ସଂସ୍ଥା ହାତରେ ବିଦ୍ୟୁତ ସରବରାହ କାର୍ଯ୍ୟ ଟେକି ଦେବା ପରେ ଏହି ଠିକା ସଂସ୍ଥାମାନେ କେତେକ ଅସ୍ଥାୟୀ କର୍ମଚାରୀଙ୍କୁ ଛଟେଇ କରିଥିବାବେଳେ ଆଉ କିଛି କର୍ମଚାରୀଙ୍କୁ ଟାଟା ପାୱାର ପକ୍ଷରୁ ଛଟେଇ କରିବାକୁ ପ୍ରକ୍ରିୟା ଆରମ୍ଭ ହୋଇଛି । ଫଳରେ ଏହି ଅସ୍ଥାୟୀ କର୍ମଚାରୀମାନେ ଆଜି ଟାଟା ପାୱାର ସେଣ୍ଟ୍ରାଲ କର୍ପୋରେସନ ଡିଷ୍ଟ୍ରିବ୍ୟୁସନ ଲିମିଟେଡ଼ (TPCODL)ର ଢେଙ୍କାନାଳ ଜିଲ୍ଲା ନିର୍ବାହୀ ଯନ୍ତ୍ରୀଙ୍କ କାର୍ଯ୍ୟାଳୟକୁ ଘେରାଉ କରି ବିକ୍ଷୋଭ ପ୍ରଦର୍ଶନ କରିଥିଲେ ।