ଗ୍ରାମାଞ୍ଚଳରେ ଅନଲାଇନ ପାଠପଢା ଫେଲ, ଗଞ୍ଜା ଲଢେଇରେ ବ୍ୟସ୍ତ ଛାତ୍ର

ଗ୍ରାମାଞ୍ଚଳରେ ଅନଲାଇନ ପାଠପଢା ଫେଲ ମାରିଥିବା ଦେଖିବାକୁ ମିଳୁଛି। ପିଲାମାନେ ପାଠପଢା ଛାଡି ଗଞ୍ଜା ଲଢେଇରେ ବ୍ୟସ୍ତ ଥିବା ଦୃଶ୍ୟ ଦେଖାଯାଇଛି। ଅଧିକ ପଢନ୍ତୁ...

ଢେଙ୍କାନାଳ: କରୋନା ମହାମାରୀ ପାଇଁ ସ୍କୁଲ ବନ୍ଦ ରହିଛି । ତେଣୁ, ଛାତ୍ରଛାତ୍ରୀ ମାନଙ୍କୁ ଅନଲାଇନରେ ପାଠ ପଢିବା ପାଇଁ ସରକାର ବ୍ୟବସ୍ଥା ମଧ୍ୟ କରିଛନ୍ତି । କିନ୍ତୁ ଗ୍ରାମାଞ୍ଚଳରେ ଗରିବ ଲୋକମାନଙ୍କ ପାଖରେ ସ୍ମାର୍ଟ ଫୋନ ନଥିବାରୁ ଛାତ୍ରଛାତ୍ରୀମାନେ ପାଠ ପଢିପାରୁ ନାହାନ୍ତି । ତେଣୁ ଅନେକ ଗ୍ରାମରେ କୁନିକୁନି ଛାତ୍ରଛାତ୍ରୀମାନେ ବିଭିନ୍ନ କାର୍ଯ୍ୟରେ ନିୟୋଜିତ ରହୁଛନ୍ତି ।

କିନ୍ତୁ, କିଛି ପିଲାମାନଙ୍କୁ ଗଞ୍ଜା ଲଢେଇରେ ଲିପ୍ତ ରହିଥିବାର ଦୃଶ୍ୟ ଦେଖିବାକୁ ମିଳିଛି । ଏପରି ଦୃଶ୍ୟ ଢେଙ୍କାନାଳ ଜିଲ୍ଲା ଭୁବନ ବ୍ଲକ ଅନ୍ତର୍ଗତ ଅନନ୍ତପୁର ଗ୍ରାମରେ ଦେଖିବାକୁ ମିଳିଛି । ପାଠ ନପଢି ଗଞ୍ଜା ଲଢେଇରେ ମନ ଦେଇଛନ୍ତି କିଛି ଛାତ୍ର ।

ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ