ଢେଙ୍କାନାଳ: ଚଳିତ ବର୍ଷ ଯୁକ୍ତ୨ ବିଜ୍ଞାନ ପରୀକ୍ଷାରେ ଫେଲ ହେବାରୁ ବେକରେ ଦଉଡି ଲଗାଇ ଜଣେ ଛାତ୍ର ଆତ୍ମହତ୍ୟା କରିଥିବା ଜଣାପଡିଛି। ଘଟଣାଟି ଘଟିଛି ଢେଙ୍କାନାଳ ଜିଲ୍ଲା ଭୁବନ ଗୋଡିପାଟଣା ସାହି ଓ୍ବାର୍ଡ ନଂ 3ରେ । ନିବାସୀ ଶ୍ରୀଧର ଦାସଙ୍କ ପୁଅ ହେଲେ ବୁଲୁ ଦାସ । ଯୁକ୍ତ 2 ବିଜ୍ଞାନରେ ବୁଲୁ ଫେଲ୍ ହେବାରୁ ଶେଷରେ ନିରାଶ ହୋଇ ବେକରେ ଦଉଡି ଲଗାଇ ଆତ୍ମହତ୍ୟା କରିଥିବା ଜଣାପଡିଛି।
ଯୁକ୍ତ 2 ବିଜ୍ଞାନ ପରୀକ୍ଷାରେ ଫେଲ୍ ଯୋଗୁଁ ଛାତ୍ରଙ୍କ ଆତ୍ମହତ୍ୟା
ସେ 2018 ମସିହାରେ ଦଶମ ପରୀକ୍ଷାରେ ଦ୍ବିତୀୟ ସ୍ଥାନ ଅକ୍ତିଆର କରିଥିଲେ। ସ୍ଥାନୀୟ ବାଜିରାଉତ ସ୍ମୃତି ମହାବିଦ୍ୟାଳୟରେ ଯୁକ୍ତ 2 ବିଜ୍ଞାନରେ ନାମ ଲେଖାଇ ପାଠ ପଢୁଥିଲେ । ଚଳିତ ବର୍ଷ ଯୁକ୍ତ 2 ବିଜ୍ଞାନର ରେଜଲ୍ଟ ବୁଧବାର ପ୍ରକାଶ ପାଇଥିଲା ।