ଢେଙ୍କାନାଳ: ଢେଙ୍କାନାଳ ଜିଲ୍ଲା ଅନ୍ତର୍ଗତ ବଣସିଂହ ନିକଟରେ ଯାତ୍ରୀବାହୀ ବସ ଦୁର୍ଘଟଣା । ରାସ୍ତା ପାର୍ଶ୍ୱକୁ ଓଲଟିପଡ଼ିଲା ସମଲେଇ ନାମକ ଯାତ୍ରୀବାହୀ ବସ । ଦୁର୍ଘଚଣାରେ ୧୫ରୁ ଉର୍ଦ୍ଧ ଯାତ୍ରୀ ଆହତ ହୋଇଥିବା ବେଳେ ଜଣେ ଶିଶୁଙ୍କ ସମେତ ୪ଜଣ ଗୁରୁତରଙ୍କୁ କଟକ SCB ମେଡିକାଲକୁ ସ୍ତାନାନ୍ତର ।
ଢେଙ୍କାନାଳରେ ଓଲଟିଲା ସମଲେଇ ଯାତ୍ରୀବାହୀ ବସ୍: ୧୫ରୁ ଅଧିକ ଆହତ, ୪ ଗୁରୁତର
ତେବେ ବଣସିଂହ ଛକ ଠାରୁ କିଛି ଦୂରରେ ଥିବା ମା' ପାଟରାଣୀ ମନ୍ଦିର ନିକଟରେ ଏହି ଦୁର୍ଘଟଣା ଘଟିଛି । ବସ୍ଟି ପ୍ରାୟ ୩୫ଜଣ ଯାତ୍ରୀଙ୍କୁ ନେଇ ବଣସିଂହରୁ ଢେଙ୍କାନାଳକୁ ଅଭିମୁଖେ ଯାଉଥିବା ବେଳେ ଦୁର୍ଘଟଣାଗ୍ରସ୍ତ ହୋଇଛି । ସ୍ଥାନୀୟ ଲୋକଙ୍କ କହିବା ଅନୁଯାୟୀ, ଦ୍ରୁତ ବେଗରେ ଆସୁଥିବା ଏହି ସମଲେଇ ବସ୍ଟି ଭାରସାମ୍ୟ ହରାଇ ରାସ୍ତା ପାର୍ଶ୍ୱକୁ ଓଲଟି ପଡିଥିଲା ।