ଅଜଣା ଗାଡି ଧକ୍କାରେ ସ୍କୁଟି ଚାଳକ ମୃତ

ଢେଙ୍କାନାଳ ଜିଲ୍ଲା କଙ୍କଡାହାଡ଼ ଥାନା ଅନ୍ତର୍ଗତ କୀର୍ତ୍ତନପୁର ଛକରେ ଦୁର୍ଘଟଣା । ସ୍କୁଟିକୁ ଏକ ଅଜଣା ଗାଡି ଧକ୍କା ଦେବାରୁ ଜଣେ ଭିନ୍ନକ୍ଷମଙ୍କ ମୃତ୍ୟୁ ଘଟିଛି । ଅଧିକ ପଢନ୍ତୁ...

ଢେଙ୍କାନାଳ: ଜିଲ୍ଲା କଙ୍କଡାହାଡ ଥାନା କିର୍ତ୍ତନପୁର ଛକ ନିକଟରେ ଦୁର୍ଘଟଣା । ଏକ ଅଜଣା ଗାଡି ସ୍କୁଟି ଉପରେ ଚଢିଯିବା ଫଳରେ ସ୍କୁଟି ଚାଳକଙ୍କର ମୃତ୍ୟୁ ଘଟିଛି । ମୃତକ ଜଣଙ୍କ ଜଣେ ଦିବ୍ୟାଙ୍ଗ ହୋଇଥିବାବେଳେ, ତାଙ୍କ ପରିଚୟ ମିଳିପାରିନାହିଁ।

ସୁଚନା ମୁତାବକ ଏକ ଅଜଣା ଗାଡି ସ୍କୁଟି ଆରୋହିଙ୍କୁ କୀର୍ତ୍ତନପୁର ଛକ ଠାରେ ଧକ୍କା ଦେଇଥିଲା । ସ୍ଥାନୀୟ ଲୋକେ ଦେଖି ଗୁରୁତର ଅବସ୍ଥାରେ ଉଦ୍ଧାର କରି କାମାକ୍ଷାନଗର ମେଡିକାଲରେ ଭର୍ତ୍ତି କରିଥିଲେ । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ମୃତ ବ୍ୟକ୍ତିଙ୍କର ପୂର୍ବରୁ ଗୋଟିଏ ହାତ ନଥିବା ମଧ୍ୟ ଜଣାପଡିଛି । ଘଟଣାସ୍ଥଳରେ ପୋଲିସ ପହଞ୍ଚି ଅଧିକ ତଦନ୍ତ ଜାରି ରଖିଛି।

ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ