ଢେଙ୍କାନାଳ: ପାରମ୍ପରିକ ସାନ୍ତାଳୀ ଭାଷାକୁ ସ୍ବିକୃତି ସହ ୧୩ ଦଫା ଦାବିରେ ଢେଙ୍କାନାଳରେ ହୋଇଛି ଆଦିବାସୀ ମେଳି । ଓଡ଼ିଶା ଆଦିବାସୀ ସାନ୍ତାଳୀ ସମ୍ପ୍ରଦାୟ ପକ୍ଷରୁ ଏହି ଦାବିରେ ଢେଙ୍କାନାଳ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରାଯାଇଥିଲା । ଏହି ଅବସରରେ ୧୩ ଦଫା ସମ୍ବଳିତ ଏକ ଦାବିପତ୍ର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କୁ ପ୍ରଦାନ କରାଯାଇଛି ।
ଢେଙ୍କାନାଳରେ ଆଦିବାସୀ ମେଳି
ଆଦିବାସୀ ସାନ୍ତାଳୀ ମାନେ ଢେଙ୍କାନାଳ ସହରର ସ୍ଥାନୀୟ ହନୁମାନ ବାଟିକା ଠାରୁ ପାରମ୍ପରିକ ବେଶଭୁଷାରେ ସୁ-ସଜ୍ଜିତ ହୋଇ ଅସ୍ତ୍ରଶସ୍ତ୍ର ଧରି ଏକ ଶୋଭାଯାତ୍ରାରେ ବାହାରି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ। ଏହି ଶୋଭାଯାତ୍ରାରେ ଶତାଧିକ ମହିଳା ଓ ପୁରୁଷ ପାରମ୍ପାରିକ ନୃତ୍ୟଗୀତର ତାଳେତାଳେ ନାଚିବା ସହିତ ପୁରୁଷ ମାନେ ସୁସଜିତ ହୋଇ ଧନୁତୀର ଧରି ଏହି ଶୋଭାଯାତ୍ରାରେ ଆସିଥିଲେ ।