ଢେଙ୍କାନାଳ : ଘରୁ ଖୁସିରେ ବାହାରିଥିଲେ ଭାଇ, ଭଉଣୀ ରଜ ବଜାର କରିବାକୁ ମା'ଙ୍କ ସହ । ହେଲେ ବଜାର ସାରି ମୋଟର ସାଇକେଲ ଯୋଗେ ଘରକୁ ଫେରୁଥିବା ବେଳେ ପଛପଟୁ ଧକ୍କା ଦେଇଥିଲା ବୋଲେରୋ । ଘଟଣାରେ ଗୋଟିଏ ପରିବାରରୁ ଦୁଇ ଜଣ ଗୁରୁତର ହୋଇ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ଏପରି ଦୃଶ୍ୟ ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା ଭୁବନ ଥାନା ଅନ୍ତର୍ଗତ ନୀଳମାଧବ ପେଟ୍ରୋଲ ପମ୍ପ ନିକଟ ବାଇପାସରେ ।
ଖବର ଅନୁଯାୟୀ ଭୁବନ ଥାନା ଅନ୍ତର୍ଗତ କାନଖାଇ ଗ୍ରାମର ତାରିଣୀ ସାହୁ ମା ସୁକାନ୍ତି ସାହୁ ଓ ଝିଅ ମିନା ସାହୁଙ୍କୁ ନେଇ ବାଇକ ଯୋଗେ ରଜ ବଜାର ପାଇଁ ଭୁବନ ଆସିଥିଲେ । ତେବେ ରଜ ବଜାର ସାରି ଘରକୁ ଫେରୁଥିବା ସମୟରେ ନୀଳମାଧବ ପେଟ୍ରୋଲ ପମ୍ପ ପଖରୁ ରାସ୍ତା ପାର୍ ହେଉଥିଲେ ।