ଢେଙ୍କାନାଳ: ରାସ୍ତା କାମ ପାଇଁ ଗଦା ହୋଇଥିବା ମାଟିରେ ଜଣେ ମହିଳାଙ୍କ ମୃତ୍ୟୁ ହୋଇଛି । ମହିଳା ଜଣଙ୍କ ସ୍ବାମୀଙ୍କ ସହ ଶିଶୁ ପୁଅକୁ ନେଇ ସ୍କୁଟିରେ ଯାଉଥିବାବେଳେ ମାଟିଗଦା ଯୋଗୁଁ ପଛରୁ ଏକ ଟ୍ରକ ତାଙ୍କ ଉପରେ ମାଡି ଯାଇଥିବା ଜଣାପଡିଛି । ଏହି ଦୁର୍ଘଟଣା ଘଟଣା ଘଟିଛି ଏନ ଏଚ-୫୫ର ଢେଙ୍କାନାଳ ସଦର ଥାନା ଅନ୍ତର୍ଗତ କାଉଁରିଆପାଳ ତାରିଣୀ ମନ୍ଦିର ନିକଟରେ ।
ସ୍କୁଟିକୁ ପଛପଟୁ ଧକ୍କା ଦେଲା ଟ୍ରକ, ମହିଳା ମୃତ
ଏହି ଦୁର୍ଘଟଣାରେ ମୃତ ମହିଳା ଜଣଙ୍କ ବନରପାଳ ଥାନା ଅନ୍ତର୍ଗତ ବୁଢ଼ାପଙ୍କ ଗ୍ରାମର ପ୍ରତିମା ମହାନ୍ତି ବୋଲି ଜଣାପଡିଛି । ଅପର ପକ୍ଷରେ ତାଙ୍କ ସ୍ବାମୀ ପ୍ରଶାନ୍ତ ମହାନ୍ତି ଓ ଚାରିବର୍ଷର ଶିଶୁ ଆହତ ହୋଇଥିବାବେକେ ସେମାନଙ୍କୁ ଚିକିତ୍ସାପାଇଁ ଢେଙ୍କାନାଳ ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି ।