ଢେଙ୍କାନାଳ: କାମାକ୍ଷାନଗର ରାସ୍ତାର ଖଟୁଆହତା ନିକଟରେ ବାଇକକୁ ଏକ ଟାଟା ଏସି ଧକ୍କା ଦେଇଥିବା ଜଣାପଡିଛି । ବାଇକ ଆରୋହୀଙ୍କୁ ଗୁରୁତର ଅବସ୍ଥାରେ ଡାକ୍ତରଖାନା ନେବା ବେଳେ ବାଟରେ ତାଙ୍କର ମୃତ୍ୟୁ ଘଟିଛି । ମୃତକ ଜଣକ ହେଲେ ଢେଙ୍କାନାଳ ସଦର ଥାନା ଅନ୍ତର୍ଗତ ସୁଧାଡିକାଟେଣି ଗ୍ରାମର ସଞ୍ଜୟ ନାୟକ ।
ବାଇକକୁ ଧକ୍କା ଦେଲା ଟାଟା ଏସି, ବାଇକ ଆରୋହୀ ମୃତ
ସୂଚନା ଅନୁସାରେ ସଞ୍ଜୟ ତାଙ୍କ ବାଇକ ଯୋଗେ କମାକ୍ଷାନଗର ଯାଉଥିବାବେଳେ କାମାକ୍ଷାନଗର ଆଡୁ ଢେଙ୍କାନାଳ ଆଡକୁ ଆସୁଥିବା ଏକ ଟାଟା ଏସି ଧକ୍କା ଦେଇଥିଲା । ଘଟଣାସ୍ଥଳରେ ବାଇକ ଆରୋହୀ ଅଚେତ ଅବସ୍ଥାରେ ପଡିରହିଥିଲେ । ପରେ ବାଟରେ ଯାଉଥିବା ଲୋକେ ଗୁରୁତରଙ୍କୁ ଦେଖି ତୁରନ୍ତ 108 ଆମ୍ବୁଲାନ୍ସକୁ ଯୋଗାଯୋଗ କରିଥିଲେ ।