ଢେଙ୍କାନାଳ: ମହାମାରୀ କୋରୋନା ସଂକ୍ରମଣ ବଢି ଚାଲିଛି । ଏପଟେ ସୋମବାଠାରୁ ଶ୍ରାବଣ ମାସ ଆରମ୍ଭ ହୋଇଯାଇଛି । ତେବେ ଶ୍ରାବଣ ମାସର ପ୍ରତ୍ୟେକ ସୋମବାର ଶିବପୀଠ ମାନଙ୍କରେ ମାନସିକଧାରୀ କାଉଡିଆ ମାନଙ୍କ ଭିଡକୁ ଆଖି ଆଗରେ ରଖି ସରକାର ସମ୍ପୂର୍ଣ୍ଣ ପ୍ରତିବନ୍ଧକ ଲଗାଇଛନ୍ତି । ଏପରିକି ରାଜ୍ୟର ଅନ୍ୟତମ ପ୍ରସିଦ୍ଧ ଶୈବପୀଠ ଢେଙ୍କାନାଳର ପ୍ରଭୁ ଚନ୍ଦ୍ରଶେଖରଙ୍କ ବିଜେସ୍ଥଳୀ କପିଳାସପୀଠରେ 144 ଧାରା ଜାରି କରାଯାଇଛି । ଏଠାକୁ କାଉଡିଆଙ୍କ ଠାରୁ ଆରମ୍ଭ କରି ଭକ୍ତଙ୍କ ପର୍ଯ୍ୟନ୍ତ ସମସ୍ତଙ୍କ ଉପରେ କଟକଣା ଜାରି କରାଯାଇଛି ।
ମାନସିକଧାରୀ କାଉଡିଆଙ୍କ ପାଇଁ କଡା କଟକଣା, ଶୈବପୀଠ କପିଳାସ ଖାଁ ଖାଁ
ପଲିସ ମୁତୟନ କରାଯାଇ ମନ୍ଦିରର ବଡ଼ ଦାଣ୍ଡ ଠାରୁ ସିଲ କରାଯାଇଛି । ଫଳରେ କାଉଡ଼ିଆ ତ ଦୁରେ ଥାଆନ୍ତୁ ଜଣେ ଭକ୍ତଙ୍କର ମଧ୍ୟ ଦେଖା ନାହିଁ । ଶ୍ରାବଣ ମାସର ପ୍ରଥମ ସୋମବାରରେ ଜିଲ୍ଲା ତଥା ରାଜ୍ୟର ବିଭିନ୍ନ ଅଞ୍ଚଳରୁ ଏହି କପିଳାସ ପୀଠରେ ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ଓ କାଉଡିଆଙ୍କ ସମାଗମ ହୋଇଥାଏ । ମାତ୍ର ଆଜି ଏହି ପିଠା ସମ୍ପୂର୍ଣ୍ଣ ଖାଁ ଖାଁ ହୋଇଯାଇଛି ।