ଢେଙ୍କାନାଳ: ଆଦିବାସୀ ଅଧ୍ୟୁଷିତ କଙ୍କଡାହାଡ ବ୍ଲକ ମକୁଆକାଟେଣୀ ଗ୍ରାମରେ ତେଜିଛି ମଦ ବିରୋଧୀ ସଚେତନତା ଶୋଭାଯାତ୍ରା । ଏହି ଶୋଭାଯାତ୍ରା ମାଧ୍ୟମରେ ଅଞ୍ଚଳବାସୀଙ୍କୁ ସଚେତନ କରାଇବା ସହ ମିଳିତ ଓଡିଶା ନିଶା ନିବାରଣ ପକ୍ଷରୁ ଏଥିରେ ନିଶା ନିବାରଣ ପାଇଁ ବାର୍ତ୍ତା ଦିଆଯାଉଛି ।
ଏନେଇ ପ୍ରଥମେ ସ୍ଥାନୀୟ ଜୁଆଙ୍ଗ ସାହିର ପ୍ରାଥମିକ ବିଦ୍ୟାଳୟରେ ଏକ ସଭା ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟ ଅତିଥି ଭାବେ ମିଳିତ ଓଡିଶା ନିଶା ନିବାରଣ ଜିଲ୍ଲା ଉପସଭାପତି ଯୋଗ ଦେଇଥିଲେ । ସଭାରେ ମଦ୍ୟପାନର ବିଭିନ୍ନ କୁପରିଣାମ ସମ୍ପର୍କରେ ଲୋକମାନଙ୍କୁ ସୂଚନା ଦିଆଯାଇଥିଲା । ଯେଉଁଥିରେ ସାମିଲ ରହିଥିଲେ ମକୁଆକାଟେଣୀ ପଞ୍ଚାୟତର ଶତାଧିକ ମହିଳା । ସଭା ଶେଷରେ ମହିଳାମାନେ ହାତରେ ପ୍ଲାକାର୍ଡ ଓ ମଦ ବିରୋଧୀ ବିଭିନ୍ନ ସ୍ଲୋଗାନ ଦେଇ ପଞ୍ଚାୟତର ସାହିଗୁଡିକରେ ସଚେତନତା ରାଲି କରିଥିଲେ ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
