ଢେଙ୍କାନାଳ: କୋରୋନା ନେଇ ଢେଙ୍କାନାଳବାସୀଙ୍କୁ ସଚେତନ କରିବା ପାଇଁ ଟାଉନ ପୋଲିସ ଆରମ୍ଭ କରିଛି ଅଭିନବ ପ୍ରୟାସ । ଚକୁଳିଆ ପଣ୍ଡା ବେଶରେ ଗୀତ ଗାଇ ସହରରେ ବୁଲିଛନ୍ତି ପୋଲିସ ବାବୁ ଓ ଲୋକଙ୍କୁ କୋରୋନା ନେଇ ବାଣ୍ଟିଛନ୍ତି ସଚେତନତା ବାର୍ତ୍ତା । କୋରୋନା ପରିସ୍ଥିତି ପାଇଁ ଲକଡାଉନ ଅବଧି ବଢିଥିବା ବେଳେ ସାଧାରଣ ଲୋକେ ବାହାରକୁ ଯିବା ନେଇ ଢେଙ୍କାନାଳରେ କଟକଣାକୁ ସାମାନ୍ୟ କୋହଳ କରାଯାଇଛି ।
ଅମାନିଆଙ୍କୁ ସାବାଡ ପାଇଁ ଚକୁଳିଆ ପଣ୍ଡା ହେଲେ ପୋଲିସ ଅଧିକାରୀ
କଟକଣା କୋହଳ ସତ୍ତ୍ବେ କୋରୋନା ସଂକ୍ରମଣ ଆଶଙ୍କା ରହିଥିବାରୁ ଲୋକମାନଙ୍କୁ ସଚେତନ କରିବା ପାଇିଁ ଢେଙ୍କାନାଳରେ ଟାଉନ ଥାନା ପୋଲିସ ବ୍ୟକ୍ତିଗତ ଭାବେ ଉଦ୍ୟମ କରିଛି । ଏଥିପାଇଁ ପୋଲିସ କର୍ମଚାରୀମାନଙ୍କୁ ଚକୁଳିଆ ପଣ୍ଡା ବେଶ ଧାରଣ କରି ସହରରେ ବୁଲି ବୁଲି ଗୀତ ଗାଉଥିବା ଦେଖିବାକୁ ମିଳିଛି । ଏହି ଚକୁଳିଆ ପଣ୍ଡା କୋରୋନା ସମ୍ପର୍କରେ ସଚେତନତାମୂଳକ ଗୀତ ଗାଇ ଗାଇ ସହର ପରିକ୍ରମା କରୁଥିବା ଦେଖା ଯାଇଛି ।