ଢେଙ୍କାନାଳ: ଗତକାଲି ଥିଲା ୬୩ ତମ ପୋଲିସ ଶହୀଦ ଦିବସ । ଢେଙ୍କାନାଳ ଓଏସଏପି(Odisha Special Police Armed Battalion) ପ୍ରଥମ ବାଟାଲିୟନରେ ପୋଲିସ ଶହୀଦ ଦିବସ ପାଳିତ ହୋଇଯାଇଛି । ସରଖିଆ ସ୍ଥିତ ଏହି ବାଟାଲିୟନ ପରିସରରେ ଆୟୋଜିତ ପରେଡ଼ ଉତ୍ସବରେ ମୁଖ୍ୟ ଅତିଥି ଭାବେ ଓଏସଏପି ପ୍ରଥମ ବାଟାଲୀୟନର କମାଣ୍ଡିଂ ଇନ ଇନଚାର୍ଜ ସୁନୀଲ କୁମାର ବେହେରା ଯୋଗଦେଇ ଅଭିବାଦନ ଗ୍ରହଣ କରିଥିଲେ । ଦେଶମାତୃକା ପାଇଁ ନିଜ ଜୀବନକୁ ବଳିଦାନ ଦେଇଥିବା ବୀର ଯବାନଙ୍କୁ ଶ୍ରଦ୍ଧାଞ୍ଜଳି ପ୍ରଦାନ କରିଥିଲେ ।
ଢେଙ୍କାନାଳ ଓଏସଏପି ପ୍ରଥମ ବାଟାଲିୟନରେ ପୋଲିସ ଶହୀଦ ଦିବସ ପାଳିତ
ସେହିପରି ଶହୀଦ ହୋଇଥିବା ଆରକ୍ଷୀ ମାନଙ୍କ ବୀରତ୍ବର ଗାଥାର ସ୍ମୃତି ଚାରଣ କରିଥିଲେ ଦୁର୍ଗାପତି ସୁନୀଲ କୁମାର ବେହେରା । ଏହା ପରେ ପ୍ରତ୍ୟେକ ପୋଲିସ କର୍ମୀ ନିଜର କର୍ତ୍ତବ୍ୟ, ନିଷ୍ଠା, ସାହାସିକତା ଓ ଶୃଙ୍ଖଳାର ସହ ନିଜର ଦାୟିତ୍ବ ସମ୍ପନ୍ନ କରିବା ପାଇଁ ଆହ୍ୱାନ ଦେଇଥିଲେ । ଏହି ଅବସରରେ ବାଟାଲୀୟନର ସମସ୍ତ କର୍ମଚାରୀ, ବୁଦ୍ଧିଜୀବୀ ଓ ଗଣମାଧ୍ୟମର ପ୍ରତିନିଧି ମାନେ ଯୋଗ ଦେଇଥିଲେ ।