ଢେଙ୍କାନାଳ: ଦୀର୍ଘ 7 ବର୍ଷ ପରେ ପ୍ରକାଶ ପାଇଲା ଢେଙ୍କାନାଳ ଜିଲ୍ଲା ନିହଲ ପ୍ରସାଦ ଥାନା ଅଞ୍ଚଳରେ ହୋଇଥିବା ନାବାଳିକା ଅପହରଣ ଓ ଦୁଷ୍କର୍ମ ମାମଲାର ରାୟ। ଏହି ଘଟଣାର ବିଚାର କରି ଢେଙ୍କାନାଳ ସ୍ବତନ୍ତ୍ର ପୋକ୍ସୋ ଅଦାଲତ ଅଭିଯୁକ୍ତକୁ ୨୦ ବର୍ଷର ସଶ୍ରମ କାରାଦଣ୍ଡରେ ଦଣ୍ଡିତ କରିଛନ୍ତି।
ନିହଲ ପ୍ରସାଦ ନାବାଳିକା ଅପହରଣ ଓ ଦୁଷ୍କର୍ମ ମାମଲାରେ ଦୋଷୀକୁ ୨୦ ବର୍ଷ ଜେଲ୍ ନିହଲ ପ୍ରସାଦ ଥାନା ଅଞ୍ଚଳରେ ଗତ 2013, ମାର୍ଚ୍ଚ 3 ତାରିଖରେ ଏହି ଘଟଣା ଘଟିଥିଲା। ନିତ୍ୟାନନ୍ଦପୁର ଗ୍ରାମର ମଣ୍ଟୁଆ ମଲ୍ଲିକ ନାମକ ଜଣେ ଯୁବକ ଜଣେ 17 ବର୍ଷର ନାବାଳିକାକୁ ଅପହରଣ କରି ଦୁଷ୍କର୍ମ କରିଥିବାର ଅଭିଯୋଗ ହୋଇଥିଲା। ଖବର ପାଇ ସ୍ଥାନୀୟ ପୁଲିସ ପୀଡିତାଙ୍କୁ ଉଦ୍ଧାର କରିଥିଲା । ଏହାସହ ଏକ ମାମଲା ରୁଜୁକରି ଅଭିଯୁକ୍ତ ମଣ୍ଟୁଆ ମଲ୍ଲିକକୁ ଗିରଫ କରିଥିଲା ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
