ଢେଙ୍କାନାଳ:ପ୍ରଧାନମନ୍ତ୍ରୀ ଗ୍ରାମ୍ୟ ସଡକ ଯୋଜନାରେ ଢେଙ୍କାନାଳ ଜିଲ୍ଲାର ୩୫ଟି ରାସ୍ତାକୁ ସାମିଲ କାରଯାଇଛି । ଏନେଇ ସାମ୍ବାଦିକ ସମ୍ମିଳନୀରେ ସାଂସଦ ମହେଶ ସାହୁ ସୂଚନା ଦେଇଛନ୍ତି । ଚଳିତ ଏକ ବର୍ଷ ମଧ୍ୟରେ ଢେଙ୍କାନାଳ ଲୋକସଭା କ୍ଷେତ୍ରର ୪୭ ଟି ରାସ୍ତାର ନିର୍ମାଣ କାର୍ଯ୍ୟ ଶେଷ ହେବା ନେଇ ଲକ୍ଷ ରଖାଯାଇଥିବା ସୂଚନା ଦେଇଛନ୍ତି ସାଂସଦ ।
ଢେଙ୍କାନାଳ ଲୋକସଭା ମଣ୍ଡଳୀର ସମସ୍ତ ଅପହଞ୍ଚ ଜାଗାକୁ ସଂଯୋଗୀକରଣ କାର୍ଯ୍ୟ କରାଯାଉଛି । ପ୍ରଧାନମନ୍ତ୍ରୀ ଗ୍ରାମ୍ୟ ସଡକ ଯୋଜନା ମାଧ୍ୟମରେ ଏହି ଲୋକସଭା ମଣ୍ଡଳୀର ୨୦୨୦-୨୧ ଆର୍ଥିକ ବର୍ଷର ତୃତୀୟ ପର୍ଯ୍ୟାୟରେ ୪୭ ଗୋଟି ରାସ୍ତାକୁ ସାମିଲ କରାଯାଇଛି । ମୋଟ ୩୯୦ କିଲୋମିଟର ରାସ୍ତା ନିର୍ମାଣ କାର୍ଯ୍ୟକୁ ଏକ ବର୍ଷ ମଧ୍ୟରେ ଶେଷ କରାଯିବାର ଲକ୍ଷ୍ୟ ରଖାଯାଇଛି । ଏଥିପାଇଁ ସମସ୍ତ ଟେଣ୍ଡର ପ୍ରକ୍ରିୟା ସରିଥିବା ଢେଙ୍କାନାଳ ସାଂସଦ ଏକ ପ୍ରେସମିଟରେ ସୂଚନା ଦେଇଛନ୍ତି । ଏହା ମଧ୍ୟରେ ଢେଙ୍କାନାଳ ଜିଲ୍ଲାର ୩୫ ଟି, ଅନୁଗୁଳ, ତାଳଚେର ଓ ପାଲଲହଡାର ୧୨ ଟି ରାସ୍ତାକୁ ମିଶାଇ ମୋଟ 47 ରାସ୍ତାକୁ ସାମିଲ କରାଯାଇଥିବା ସାଂସଦ ସୂଚନା ଦେଇଛନ୍ତି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ