ଢେଙ୍କାନାଳ: ଚଳିତ ବର୍ଷ ନିର୍ଦ୍ଧିଷ୍ଟ ସମୟରେ ବର୍ଷା ନ ହେବାରୁ ମରୁଡି ଆଶଙ୍କାରେ ଚାଷୀକୂଳ ଚିନ୍ତାରେ ଥିଲେ । ଆଉ ଏପରି ଅବସ୍ଥାରେ ଗତ ଲଗାଣ ବର୍ଷା ଚାଷୀଙ୍କ ମୁଣ୍ଡରେ ବେଡି଼ ଉପରେ କରଡ଼ା ସଦୃଶ ହୋଇଛି । ବିଶେଷ କରି ଜିଲ୍ଲାର ସଦର ବ୍ଲକ ଅନ୍ତର୍ଗତ ଚାଉଳିଆ ପଞ୍ଚାୟତର ଚାଷୀମାନେ ଲଗାଣ ବର୍ଷା ଯୋଗୁଁ ହତାଶ ହୋଇପଡ଼ିଥିବା ଜଣାପଡ଼ିଛି ।
ଲଗାଣ ବର୍ଷାରେ ପଚିଗଲା ଶହଶହ ଏକର ଧାନ, ହତାଶ ଚାଷୀକୂଳ
ସଠିକ ସମୟରେ ବର୍ଷା ହୋଇନଥିବାରୁ ଚାଷୀମାନେ ବିଳମ୍ବରେ ହେଉ ମଧ୍ୟ ଧାନ ଲଗାଇଥିଲେ । ମାତ୍ର ଗତ ଲଗାଣ ବର୍ଷା ଯୋଗୁଁ ଚାରିଆଡେ ଜଳମଗ୍ନ ହୋଇଯାଇଥିଲା । ଫଳରେ ଚାଷ ହୋଇଥିବା ବିଲ ସବୁ ପାଣିରେ ବୁଡି ରହିଥିଲା । ତେବେ ପାଣି ଛାଡିଲା ପରେ ଏବେ ସବୁ ଧାନ ଗଛ ପଚି ଯାଇଥିବା ଦେଖିବାକୁ ମିଳିଛି ।