ଢେଙ୍କାନାଳ: ଜିଲ୍ଲାର କପିଳାଶ ବନାଞ୍ଚଳରେ ଏକ ଦନ୍ତା ହାତୀ ଉପଦ୍ରଵ ଗତ କିଛି ଦିନ ହେଲା ଜାରି ରହିଛି । ଗତ ଦୁଇ ଦିନ ପୂର୍ବେ ଜଣେ ଚାଷୀଙ୍କୁ ଏହି ଦନ୍ତା ହାତୀଟି କଚାଡି ମାରିଥିବା ବେଳେ ପୁଣି ମଙ୍ଗଳବାର ଆଉ ଜଣଙ୍କୁ ମାରିଥିବା ଜଣାପଡିଛି ।
ଢେଙ୍କାନାଳରେ ହାତୀ ଆକ୍ରମଣରେ ଆଉ ଜଣେ ମୃତ
ହାତୀ ଆକ୍ରମଣର ଶିକାର ହୋଇ ମୃତ୍ୟୁବରଣ କରିଥିବା ବ୍ୟକ୍ତି ହେଉଛନ୍ତି ବନସିଂହ ଗ୍ରାମର ଲକ୍ଷ୍ମଣ ମହାନ୍ତି ବୋଲି ଜଣାପଡିଛି । ଏହି ହାତୀ ଆକ୍ରମଣ ଦାମୋଦରନାଳୀ ଗ୍ରାମର ଧଉରାମରା ନିକଟରେ ହୋଇଛି । ମୃତ ଲକ୍ଷ୍ମଣ ତାଙ୍କ ଝିଅ ଘର ଦାମୋଦରନାଳୀକୁ ଆସିଥିଲେ । ମଙ୍ଗଳବାର ଭୋର ସମୟରେ ସେ ବାଡିପଛ ପାଖକୁ ଶୌଚ ହେବାକୁ ଯାଇଥିବାବେଳେ ଏକ ଦନ୍ତା ହାତୀ ହାବୁଡ଼ରେ ପଡିଯାଇଥିଲେ ।