ଢେଙ୍କାନାଳ: ପିକ୍ଅପ୍ ଭ୍ୟାନ ଧକ୍କାରେ ଦଶମ ଶ୍ରେଣୀ ଛାତ୍ରୀଙ୍କ ମୃତ୍ୟୁ । ଢେଙ୍କାନାଳ ଜିଲ୍ଲା ପରଜଙ୍ଗର ଗଡପଳାଶୁଣି ନିକଟରେ ଘଟିଛି ଏହି ମର୍ମନ୍ତୁଦ ସଡକ ଦୁର୍ଘଟଣା । ମୃତ ଛାତ୍ରୀ ହେଲେ ସେହି ଗାଁର ଲିଜା ନାୟକ । ଏହାକୁ ନେଇ ଘଟଣାସ୍ଥଳରେ ଉତ୍ତେଜନା ଦେଖାଦେଇଥିଲା । କ୍ଷତିପୂରଣ ଦାବିରେ ମୃତଦେହକୁ ରାସ୍ତାରେ ରଖି ପ୍ରତିବାଦ କରିଥିଲେ ପରିବାର ଓ ସ୍ଥାନୀୟଲୋକେ ।
ସୂଚନା ଅନୁଯାୟୀ, ଗୁରୁବାର ମୃତ ଲିଜା ପୋଖରୀକୁ ଗାଧୋଇବାକୁ ଯାଉଥିବା ବେଳେ ଗଡ଼ପଳାଶୁଣିରୁ କଙ୍କଡାହାଡ଼ ଯାଉଥିବା ଏକ ପିକଅପ୍ ତାଙ୍କୁ ଭ୍ୟାନ ଧକ୍କା ଦେଇଥିଲା । ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ଏ ନେଇ ପରିବାର ଲୋକ ଓ ଗ୍ରାମବାସୀ ମାନେ କ୍ଷତିପୂରଣ ଦାବିରେ ହନୁମାନ ଛକ ନିକଟରେ ମୃତଦେହ ରଖି ରାସ୍ତା ଅବରୋଧ କରିଥିଲେ । ଘଟଣାସ୍ଥଳକୁ ପରଜଙ୍ଗ ଥାନା ଅଧିକାରୀ ଓ ମହାବିରୋଡ଼ ଫାଣ୍ଡି ଅଧିକାରୀ ପହଞ୍ଚି ମୃତକଙ୍କ ପରିବାରକୁ କ୍ଷତିପୂରଣ ସହାୟତା ପାଇଁ ପ୍ରତିଶ୍ରୁତି ଦେବା ପରେ ପ୍ରାୟ ୨ ଘଣ୍ଟାପରେ ରାସ୍ତା ଅବରୋଧ ହଟିଥିଲା ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
