ସୁରଟରେ ଓଡିଆ ଶ୍ରମିକଙ୍କ ଦୁଃଖ; ଉଦ୍ଧାର ପାଇଁ ସରକାରଙ୍କୁ ଗୁହାରି

ଦୁଇ ପଇସା ରୋଜଗାର କରିବାକୁ ଯାଇ ଲକଡାଉନ ସମୟରେ ସୁରତରେ ଫସିଛନ୍ତି ପ୍ରବାସୀ ଓଡିଆ ଶ୍ରମିକ । ଗୁଜୁରାଟର ସୁରଟରେ ଢେଙ୍କାନାଳ ଜିଲ୍ଲା ହିନ୍ଦୋଳ ବ୍ଲକ ଅନ୍ତର୍ଗତ ଅସରଡା, କାରନ୍ଦା, କୁକୁଟା, ରଞ୍ଜାଗଳ ଆଦି ପଞ୍ଚାୟତର ପ୍ରାୟ 60 ଜଣ ଶ୍ରମିକ ଫସିରହିଥିବା ଜଣା ପଡିଛି ।

ଢେଙ୍କାନାଳ: ଦୁଇ ପଇସା ରୋଜଗାର କରିବାକୁ ଯାଇ ଲକଡାଉନ ସମୟରେ ସୁରତରେ ଫସିଛନ୍ତି ପ୍ରବାସୀ ଓଡିଆ ଶ୍ରମିକ । ଗୁଜୁରାଟର ସୁରଟରେ ଢେଙ୍କାନାଳ ଜିଲ୍ଲା ହିନ୍ଦୋଳ ବ୍ଲକ ଅନ୍ତର୍ଗତ ଅସରଡା, କାରନ୍ଦା, କୁକୁଟା, ରଞ୍ଜାଗଳ ଆଦି ପଞ୍ଚାୟତର ପ୍ରାୟ 60 ଜଣ ଶ୍ରମିକ ଫସିରହିଥିବା ଜଣା ପଡିଛି । ରୋଜଗାର ସନ୍ଦେହରେ ଘର ଛାଡି ସୁରଟ ଯାଇଥିବା ବେଳେ କୋରୋନା ସଂକ୍ରମଣ ପାଇଁ ଦେଶବ୍ୟାପୀ ଲକଡାଉନ ଘୋଷଣାରେ ଫସିଯାଇଛନ୍ତି ଏହି ଶ୍ରମିକ ।

ବର୍ତ୍ତମାନ ଲକଡାଉନ ପାଇଁ କାରଖାନା ବନ୍ଦ ପଡିଥିବାରୁ ଏବେ ଏମାନଙ୍କ ରୋଜଗାରରେ ତାଲା ପଡିଛି । ଏଥିସହ ପାଖରେ ଥିବା ଜମା ପୁଞ୍ଜି ସରିବାକୁ ବସିଥିବା ବେଳେ ଘରକୁ ଫେରିବା ବାଟ ବି ବନ୍ଦ ହୋଇଛି । ଯାହା ଏମାନଙ୍କ ଚିନ୍ତାକୁ ଦ୍ବିଗୁଣିତ କରିଛି । ଏମିତିରେ ଅନ୍ୟ ଶ୍ରମିକଙ୍କ ପରି ଏମାନଙ୍କୁ ମଧ୍ୟ ନିଜ ଘରକୁ ଫେରାଇ ନେବା ପାଇଁ ସରକାରଙ୍କୁ ନିବେଦନ କରିଛନ୍ତି ଏହି ଶ୍ରମିକ ।

ଢେଙ୍କାନାଲରୁ ଉର୍ମିଳା ପାତ୍ର, ଇଟିଭି ଭାରତ