ଢେଙ୍କାନାଳ: ରାତିସାରା ସ୍କୁଲ ଶୌଚାଳୟରେ କାନ୍ଦୁଥିଲା ନବଜାତକ । କେହି ଜଣେ କୁଆଁରୀ ମା' ଲୋକଲଜ୍ୟା ସହି ନପାରି ସନ୍ତାନ ଜନ୍ମ କରି ଛାଡି ଚାଲି ଯାଇଥିଲା । ଶିଶୁର କୁଆଁ କୁଆଁ ଡାକ ଶୁଣି ସକାଳୁ ଗାଁ ଲୋକ ମିଶି ଛୁଆଟିକୁ ଉଦ୍ଧାର କଲେ । ଖୋଜାଖୋଜି ପରେ ଜଣାପଡିଥିଲା ଯେ, ଭୁବନ ଥାନା ଅଧୀନସ୍ଥ ଏକ ଗ୍ରାମର ଜଣେ କୁଆଁରୀ ମା' ଏହି ଶିଶୁଟିକୁ ଜନ୍ମ କରିଛନ୍ତି । ଫଳରେ ଲୋକଲଜ୍ଜା ଭୟରେ ଶିଶୁଟିକୁ ସ୍କୁଲ ଶୌଚାଳୟରେ ଛାଡି ଚାଲି ଯାଇଛନ୍ତି ।
ପ୍ରେମିକାକୁ ଗର୍ଭବତୀ କରି ପ୍ରେମିକ ଛୁ, ସ୍କୁଲ ଘରେ ଜନ୍ମ ନେଲା ଶିଶୁ ପୁତ୍ର
ସୂଚନାନୁସାରେ, କିଛି ଦିନ ତଳେ ସେହି ଗ୍ରାମର ଖଗେଶ୍ବର ମୁଣ୍ଡା ଉକ୍ତ କୁଆଁରୀ କନ୍ୟାକୁ ବିବାହର ପ୍ରତିଶୃତି ଦେଇ ଶାରୀରିକ ସମ୍ପର୍କ ରଖିଥିଲେ ପରେ ଗର୍ଭବତୀ ହେବା ଜାଣି ଖଗେଶ୍ବର କେଉଁ ଆଡେ ଚାଲି ଯାଇଛନ୍ତି । ଏଭଳି ସ୍ଥିତିରେ ବୁଧବାର ମଧ୍ୟରାତ୍ରୀରେ ଗାଁ ସ୍କୁଲରେ ଶିଶୁ ପୁତ୍ରକୁ ଜନ୍ମ ଦେଇଥିଲେ ।