ଢେଙ୍କାନାଳ: ଚିକିତ୍ସାରେ ଅବହେଳାରୁ ନବଜାତ ଶିଶୁର ମୃତ୍ୟୁ ଅଭିଯୋଗ । ଏଭଳି ଅଭିଯୋଗ ଆସିଛି ଢେଙ୍କାନାଳ ମୁଖ୍ୟ ଡାକ୍ତରଖାନା ନାଁରେ । ଏହି ଘଟଣାକୁ ନେଇ ପ୍ରସୂତି ମହିଳାଙ୍କ ପରିବାର ପକ୍ଷରୁ ଉତ୍ତେଜନା ପ୍ରକାଶ ପାଇବା ସହ ହସ୍ପିଟାଲରେ ଭଙ୍ଗାରୁଜା କରିଥିବା ମଧ୍ୟ ଅଭିଯୋଗ ହୋଇଛି ।
ଢେଙ୍କାନାଳ ଜିଲ୍ଲା ମୁଖ୍ୟ ଡାକ୍ତରଖାନାର ସ୍ତ୍ରୀ ଓ ପ୍ରସୂତି ବିଭାଗରେ ଚିକିତ୍ସା ଅବହେଳା ନେଇ ବାରମ୍ବାର ଅଭିଯୋଗ ଉଠୁଛି। ଡାକ୍ତର ଓ କର୍ମଚାରୀ ମାନଙ୍କର ଅବହେଳାରୁ ଜଣେ ପ୍ରସୂତି ଡାକ୍ତରଖାନା ବାରଣ୍ଡାରେ ପ୍ରସବ କରିଥିଲେ ବି ଅସାବଧାନତା ହେତୁ ନବଜାତର ମୃତ୍ୟୁ ଘଟିଛି ।
ଡାକ୍ତରଖାନାରେ ଅଭାବନୀୟ ଘଟଣା, ଚିକିତ୍ସାରେ ଅବହେଳାରୁ ନବଜାତ ଶିଶୁର ମୃତ୍ୟୁ
ଯାହାକୁ ନେଇ ଢେଙ୍କାନାଳ ମୁଖ୍ୟ ଡାକ୍ତରଖାନାରେ ଉତ୍ତେଜନା ପ୍ରକାଶ ପାଇଥିଲା । ପ୍ରସୂତି ମହିଳାଙ୍କ ପରିବାର ଓ ସମର୍ଥକମାନେ ଡାକ୍ତରଖାନା ପ୍ରସୂତି ବିଭାଗର ଡୋର କାଚ ଭାଙ୍ଗି ଦେଇଛନ୍ତି । ଖବର ପାଇ ଟାଉନ ପୋଲିସ ପହଞ୍ଚି ବୁଝାସୁଝା ପରେ ପରିସ୍ଥିତି ଶାନ୍ତ ପଡିଥିଲା ।