ଢେଙ୍କାନାଳରେ ଜାତୀୟ ଲୋକ ଅଦାଲତ, ସମାଧାନ ହେଲା ୩୩୧ ମାମଲା

ଢେଙ୍କାନାଳ ସିଭିଲ କୋର୍ଟ ପରିସରରେ ଆୟୋଜିତ ହେଲା ଜାତୀୟ ଲୋକ ଅଦାଲତ । ୩୩୧ ମାମଲାର ହେଲା ଆପୋଷ ସମାଧାନ । ଅଧିକ ପଢନ୍ତୁ...

ଢେଙ୍କାନାଳ: ଜିଲ୍ଲାର ବିଭିନ୍ନ ଅଦାଲତରେ ପଡି ରହିଥିବା ବିଭିନ୍ନ ମାମଲାର ଶୁଣାଣି ଓ ସମାଧାନ ପାଇଁ ତୃତୀୟ ଜାତୀୟ ଲୋକ ଅଦାଲତ ଅନୁଷ୍ଠିତ ହୋଇଯାଇଛି । ଢେଙ୍କାନାଳ ଜିଲ୍ଲା ଦୌରାଜଜ୍ ତଥା ଜିଲ୍ଲା ଆଇନ ସେବା ପ୍ରାଧୀକରଣର ଅଧ୍ୟକ୍ଷ ଶରତ କୁମାର ଦେହୁରୀଙ୍କ ତତ୍ବାବାଧାନରେ ଜିଲ୍ଲା ସିଭିଲ କୋର୍ଟ ପରିସରରେ ଆୟୋଜିତ ଏହି ଅଦାଲତରେ ମୋଟ ୩୩୧ ଟି ମାମଲାର ଆପୋଷ ବୁଝାମଣା ହୋଇଛି ।

ତେବେ ମୋଟର ଯାନବାହନ ଦୁର୍ଘଟଣା ସମ୍ପର୍କିତ ବିଭିନ୍ନ ମାମଲାର ସମାଧାନ କରାଯାଇ ମୋଟ ୯୩ ଲକ୍ଷ ୧୦ହଜାର ଟଙ୍କା କ୍ଷତିପୂରଣ ବାବଦକୁ ପ୍ରଦାନ କରାଯାଇଛି । ସେହିପରି ଅନ୍ୟ କେତେକ ମାମଲାରେ ସମାଧନ କରି ଜୋରିମାନା ବାବଦକୁ ୧୨ ଲକ୍ଷ ୧୯ ହଜାର ଟଙ୍କା ଆଦାୟ ହୋଇଛି । ଏହି ଅଦାଲତକୁ ଜିଲ୍ଲାର ବିଭିନ୍ନ ଅଦାଲତର ବିଚାରପତି ଓ ଆଇନଜୀବୀମାନେ ସହଯୋଗ କରିଥିଲେ । ଆଇନ ସେବା ପ୍ରାଧୀକରଣର ଅନ୍ୟ ସଦସ୍ୟମାନେ ମଧ୍ୟ ଉପସ୍ଥିତ ଥିଲେ।

ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ