ଢେଙ୍କାନାଳ: ଜିଲ୍ଲା ବନବିଭାଗ ପକ୍ଷରୁ କାମାକ୍ଷାନଗର ପଶ୍ଚିମଞ୍ଚଳ ରେଞ୍ଜରେ ଚଢାଉ କରି ବିପୁଳ ପରିମାଣରେ ଚୋରା ଶାଳ କାଠ ସହ ଏକ କରତ ଜବତ କରିଛି ବନବିଭାଗ । ଚୋରା କାଠକୁ ଜବତ କରାଯାଇଥିବା ବେଳେ ମାଫିଆମାନେ ଖସି ପଳାଇଥିବା ଜଣାପଡ଼ିଛି ।
ବନବିଭାଗର ଚଢାଉ, ବିପୁଳ ପରିମାଣରେ ଚୋରା ଶାଳ କାଠ ଜବତ
ଜଙ୍ଗଲରୁ ବେଆଇନ ଭାବେ ଶାଳ କାଠ କାଟି ତାକୁ ମାଫିଆମାନେ ବାହାରକୁ ଚାଲାଣ କରୁଛନ୍ତି । କୌଣସି ସୂତ୍ରରୁ ଖବର ପାଇ ଏହି ରାକେଟ ଉପରେ ବନ ବିଭାଗ ଚଢ଼ାଉ କରିଥିଲା । ଚଢାଉ ସମୟରେ ବିପୁଳ ପରିମାଣର ଶାଳ କାଠ ସହ ଗୋଟିଏ କରତ ଜବତ କରିଛି । ସେପଟେ କାଠ ମାଫିଆମାନେ ଘଟଣାସ୍ଥଳରୁ ଖସି ପଳାଇଛନ୍ତି ।