ଢେଙ୍କାନାଳ: ରାଜ୍ୟରେ ଏବେ ବଢିବାରେ ଲାଗିଛି ଲୁଟପାତ । ଆଉ ଏହି ଲୁଟେରାମାନଙ୍କ କବଳରୁ ବାଦ ପଡୁ ନାହାନ୍ତି ଖୋଦ ଭଗବାନ । ମଙ୍ଗଳବାର ରାତିରେ ଢେଙ୍କାନାଳ ସହରର ଜୁବୁଲି ଟାଉନ ସ୍ଥିତ ନାଗେଶ୍ବର ମନ୍ଦିରକୁ ଲୁଟିଛନ୍ତି ଲୁଟେରା । ମନ୍ଦିରର ଉଭୟ ନାଗେଶ୍ବର ଶିବ ମନ୍ଦିର ଓ ପରିସରରେ ଥିବା ପାର୍ବତୀ ମନ୍ଦିରର ଦୁଇଟି ହୁଣ୍ଡିକୁ ଭାଙ୍ଗି ଭକ୍ତ ମାନେ ଦେଇଥିବା ଦକ୍ଷିଣା ଟଙ୍କାକୁ ଲୁଟି ନେଇଛନ୍ତି ।
ମନ୍ଦିରରୁ ହୁଣ୍ଡି ଭାଙ୍ଗି ଦକ୍ଷିଣା ଟଙ୍କା ଲୁଟିନେଲେ ଦୁର୍ବୃତ
ମନ୍ଦିରର ଗ୍ରିଲ ତାଲାକୁ ତାଡି ଦେଇଥିବା ବେଳେ ମନ୍ଦିର ଭିତରୁ ଦୁଇଟି ହୁଣ୍ଡିକୁ ଭାଙ୍ଗି ଟଙ୍କା ଲୁଟିନେଇ ହୁଣ୍ଡି ଦୁଇଟିକୁ ଫୋପାଡ଼ି ଦେଇ ପଳାଇଛନ୍ତି ଦୁର୍ବୃତ୍ତ । ଆଜି ସକାଳୁ ମନ୍ଦିରକୁ ପୂଜା କରିବାକୁ ଆସିବାଥିବା ପୂଜକ, ମନ୍ଦିର ଗ୍ରିଲ ତଡାଯାଇଥିବା ସହ ବାହାରେ ହୁଣ୍ଡି ପଡିଥିବା ଦେଖି ପୋଲିସକୁ ଖବର ଦେଇଥିଲେ ।