ଢେଙ୍କାନାଳ: ବସ ଧକ୍କାରେ ବାଇକ ଆରୋହୀ ମୃତ । ଢେଙ୍କାନାଳ-କାମାକ୍ଷାନଗର ମୁଖ୍ୟରାସ୍ତାର ଜଡ଼ାପାଳ ଛକ ନିକଟରେ ଦୁର୍ଘଟଣା । ମୃତ୍ୟୁକୁ ନେଇ ଘଟଣାସ୍ଥଳରେ ଉତ୍ତେଜନା ଜାରି ରହିଥିବା ବେଳେ ବସରେ ନିଆଁ ଲଗାଇଦେଇଛନ୍ତି ଉତ୍ତ୍ୟକ୍ତ ଲୋକେ । ମୃତକ ଶ୍ରୀମୁଳା ଗ୍ରାମର ମୁକୁନ୍ଦ ସାହୁ ବୋଲି ଜଣାପଡ଼ିଛି ।
ବସ୍ ଧକ୍କାରେ ବାଇକ ଆରୋହି ମୃତ: ବସରେ ନିଆଁ ଲଗାଇଲେ ଉତ୍ତ୍ୟକ୍ତ ଲୋକେ ସୂଚନା ଅନୁସାରେ ମୁକୁନ୍ଦ କାମ ସାରି ଘରକୁ ଫେରୁଥିବା ବେଳେ ବସଟି ତାଙ୍କୁ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି । ଏଥିରେ ଉତ୍ତ୍ୟକ୍ତ ହୋଇ ସ୍ଥାନୀୟ ଲୋକେ ବସରେ ନିଆଁ ଲଗାଇ ଦେଇଥିବା ଜଣାପଡ଼ିଛି । ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିବାକୁ ପ୍ରୟାସ ଜାରି ରଖିଥିବାବେଳେ କାମାକ୍ଷାନଗରରୁ ଢେଙ୍କାନାଳ ଯାତାୟତ ସମ୍ପୂର୍ଣ୍ଣ ବାଧାପ୍ରାପ୍ତ ହୋଇଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
